Búginde Qazaqstan halqy Assambleiasy qaiyrymdylyq, qamqorlyq pen tálimgerlikti damytýǵa kóp kóńil bólýde. Bolashaq jastardyń qolynda bolǵandyqtan, olardyń boiyna tózimdilik pen patriotizmdi, birlik pen kelisimdi sińirý mańyzdy.
Jer jahanda tárbieleýdiń eń basty baǵyttarynyń biri – tálimgerlik. Balalarǵa qoǵamdyq qatynas pen ómirlik qiyndyqtardy jeńýge, balanyń jetilgen ári jaýapty tulǵa bolyp qalyptasýǵa kómektesý maqsatynda Qaraǵandy oblysy Qazaqstan halqy Assambleiasy jastarynyń bastamasymen «Biz birgemiz» aktsiiasy bastaý aldy. Aktsiia aiasynda elimizdiń igi jaqsylary men shoý biznes juldyzdary, san túrli baǵytta qyzmet etetin tulǵalar óz tájiribelerinde jetistikke jetý qupiialarymen bólisedi.
28 qazanda «Tańsholpan» balalar úiinde Olimpiada chempiony, Vel Barker kýboginiń iegeri Serik Sápievpen kezdesý ótti.
Jyly kezdesý balalar úiiniń turmys-jaiymen tanysýdan bastaldy. Munda shartty ańyqtamalar joq, balalar bir-birine «aǵaly-inili», «apaly-sińlili», al bul úidiń úlkenderi áke men ana bolyp keledi. Kez kelgen qonaqjaily úidegidei, munda da qonaqtardy qushaq jaia, balalardyń oryndaýyndaǵy án-kúimen qarsy aldy.
Balalardyń ónerine tánti bolǵan Serik Sapiev olarǵa zor alǵysyn aityp, mundai kezdesý júrekti jylytyp qana qoimai, bastaǵan iske qanat bitiretinin atap ótti.
«Jastar – elimizdiń bolashaǵy. Keleshegimiz, jastardyń búginigi máselelerine qanshalyqty jaýapkershilikpen qarasaq, sonshalyqty ashyq bolmaq. Bul estafeta balalarǵa óz sózin, oiyn aitýǵa múmkindik berip otyr. Árine, árbir jas óz kýmirimen kezdesýdi armandaidy. Aktsiia aiasynda oblysymyzdyń ǵana emes, elimizdiń tanymal tulǵalary balalarmen kezdesip, jastarǵa jetistikke jetýdiń múmkindikterimen bólispek. Olimpiada chempiony, veloshabandoz, Aleksandr Vinokýrov, olimpiadanyń kúmis júldegeri Vasilii Levit pen shoýmen Ánýar Nurpeiisovpen kezdesýler uiymdastyrý josparymyzda bar»,- deidi oblystyq QHA jastarynyń Úilestirý keńesiniń tóraǵasy Aleksandr Ýrmashov.
Kezdesý barysynda Serik Sápiev balalardyń suraqtaryna ashyq ári burmalaýsyz jaýap berip, sońynda árbirine estelikke avtograf syilady.
.jpeg)