© Sputnik, skrin video
Jetisý oblystyq soty Almaty oblysynyń burynǵy politsiia basshysy Serik Kúdebaevqa qatysty qylmystyq is boiynsha apelliatsiialyq shaǵymdy qarady. Eks-generaldy 10 jylǵa bas bostandyǵynan aiyrý úkimi ózgerissiz qaldy, dep habarlaidy Sputnik Qazaqstan.
Eske salaiyq, naýryz aiynyń sońynda Almaty politsiia departamentiniń eks-basshysyna qatysty sot otyrysy Kúdebaevtyń kelmeýine bailanysty birneshe ret keiinge shegerilgen bolatyn. Keiin onyń elden qashyp ketkeni belgili bolyp, oǵan halyqaralyq izdeý jariialandy.
Resmi aqparatqa sáikes, Serik Kúdebaev Túrkiiada ustalyp, arnaiy reispen elge qaitaryldy. Onyń otbasy ol "óz betimen oralýdy sheshkenin" aitty.
2023 jyldyń sáýir aiynyń aiaǵynda Taldyqorǵan qalalyq soty Serik Kúdebaevty qańtar oqiǵasy kezinde aýyr zardaptarǵa ákep soqqan qyzmettik ókilettigin asyra paidalandy (QK 362-babynyń 4-bóligi) jáne azaptaý (146-baptyń 2-bóligi) boiynsha kináli dep tanylyp, ony politsiia general-maiory arnaiy ataǵynan aiyra otyryp, oǵan jaza merzimin ortasha qaýipsizdik mekemesinde óteýmen 10 jylǵa bas bostandyǵynan aiyrý týraly úkim shyǵardy.
Serik Kúdebaev Almaty oblysy politsiiasyn 2020 jyldyń qańtarynan 2022 jyldyń qańtaryna deiin basqardy. Buǵan deiin ol alty jyldan astam ýaqyt Almaty politsiiasynyń basshysy bolǵan.
