Sporttyq arbitraj soty (CAS) Qazaqstan ókili Serik Qonaqbaevqa Halyqaralyq boks qaýymdastyǵynyń basshysy bolýy úshin sailaýaldy naýqanyn júrgizýine ruqsat berdi. Onyń kandidatýrasy boiynsha naqty sheshim 30 qazan kúni qabyldanady. Bul týraly Inside The Games portaly habarlady.
Buryn Qonaqbaev ulttyq federatsiialardyń jetkilikti mólsherdegi qoldaý hatyn jinai almaǵandyqtan, AIVA basshysy laýazymyna úmitker retinde tirkelmegen bolatyn. Al sailaý jarysynda jalǵyz kandidat - uiymnyń prezidenti mindetin atqarýshy ózbekstandyq Ǵafýr Rahimov qalǵan.
«Tyńdalym sailaý kúnine tym jaqyn bolǵandyqtan, maǵan sailaý naýqanyn júrgizýime ruqsat etildi», - deidi Qonaqbaev.
Halyqaralyq Olimpiada komiteti (HOK) aqpannan beri AIVA-ǵa qatysty tekseris júrgizip jatyr. HOK AIVA-nyń basqarý, qarjy jáne dopingke qarsy kúres jónindegi baiandamalaryna qanaǵattanbaǵan bolatyn. Sodan keiin AIVA-nyń burynǵy basshysy Ching-Kýo Vý otstavkaǵa ketip, uiymnyń basshysy mindetin Ǵafýr Rahimov atqaryp kelgen.
AIVA prezidenti sailaýy uiymnyń 2-3 qarasha kúnderi Máskeýde bolatyn kongresi aiasynda ótedi.
