سپورتتىق اربيتراج سوتى (CAS) قازاقستان ٶكٸلٸ سەرٸك قوناقباەۆقا حالىقارالىق بوكس قاۋىمداستىعىنىڭ باسشىسى بولۋى ٷشٸن سايلاۋالدى ناۋقانىن جٷرگٸزۋٸنە رۇقسات بەردٸ. ونىڭ كانديداتۋراسى بويىنشا ناقتى شەشٸم 30 قازان كٷنٸ قابىلدانادى. بۇل تۋرالى Inside The Games پورتالى حابارلادى.
بۇرىن قوناقباەۆ ۇلتتىق فەدەراتسييالاردىڭ جەتكٸلٸكتٸ مٶلشەردەگٸ قولداۋ حاتىن جيناي الماعاندىقتان, اٸۆا باسشىسى لاۋازىمىنا ٷمٸتكەر رەتٸندە تٸركەلمەگەن بولاتىن. ال سايلاۋ جارىسىندا جالعىز كانديدات - ۇيىمنىڭ پرەزيدەنتٸ مٸندەتٸن اتقارۋشى ٶزبەكستاندىق عافۋر راحيموۆ قالعان.
«تىڭدالىم سايلاۋ كٷنٸنە تىم جاقىن بولعاندىقتان, ماعان سايلاۋ ناۋقانىن جٷرگٸزۋٸمە رۇقسات ەتٸلدٸ», - دەيدٸ قوناقباەۆ.
حالىقارالىق وليمپيادا كوميتەتٸ (حوك) اقپاننان بەرٸ اٸۆا-عا قاتىستى تەكسەرٸس جٷرگٸزٸپ جاتىر. حوك اٸۆا-نىڭ باسقارۋ, قارجى جەنە دوپينگكە قارسى كٷرەس جٶنٸندەگٸ باياندامالارىنا قاناعاتتانباعان بولاتىن. سودان كەيٸن اٸۆا-نىڭ بۇرىنعى باسشىسى چينگ-كۋو ۆۋ وتستاۆكاعا كەتٸپ, ۇيىمنىڭ باسشىسى مٸندەتٸن عافۋر راحيموۆ اتقارىپ كەلگەن.
اٸۆا پرەزيدەنتٸ سايلاۋى ۇيىمنىڭ 2-3 قاراشا كٷندەرٸ مەسكەۋدە بولاتىن كونگرەسٸ اياسىندا ٶتەدٸ.
