Serik Ahmetov búgin tańerteń bostandyqqa shyqty, - dep habarlaidy kaz.tengrinews.kz tilshisi.
Qaraǵandy oblysyndaǵy koloniianyń aldynda BAQ ókilderi jinaldy. Serik Ahmetov koloniiadan shyǵyp, kóligine otyryp, jaqyndarymen birge ketip qaldy.
"Bolashaqqa áli jospar qurmadym. Nemen ainalysatynymdy ýaqyt kórsetedi. Al qazir úige baramyn", - dep jaýap berdi ol jýrnalisterge.
Aita keteiik, Serik Ahmetov jazasyn Qaraǵandy oblysyndaǵy Qarabas aýylynda AK159/18 koloniiasynda ótegen bolatyn.
Osyǵan deiin sottaǵylar Serik Ahmetovtiń qalaisha bostandyqqa erte shyǵatynyn túsindirip bergen edi.
Eske salaiyq, Serik Ahmetov 2014 jyldyń qarashasynda úi qamaýyna alynǵan bolatyn. Sot otyrysy 2015 jyldyń tamyzynda bastalyp, tórt aiǵa jalǵasty. Qylmystyq is 338 tomǵa jetti, onyń 9 tomy aiyptaý aktisi. Jalpy 82 sot otyrysy ótti. Is boiynsha 260 kýágerden jaýap alyndy. Protsesske 4 memlekettik aiyptaýshy jáne 42 advokat pen qorǵaýshy qatysty. Qazirgi zańnamaǵa sáikes, sottyń ádil ótýi úshin otyrystyń ashyq saiasatyn ustaný boiynsha sáikes sharalar júrgizildi. Al 2015 jyldyń jeltoqsanynda sot ony 10 jylǵa bas bostandyǵynan aiyrǵan bolatyn. Kelgen shyǵyndy ótegennen keiin onyń jazasy 8 jylǵa qysqarǵan.
