Foto: skrinshot
Reseidiń cyrtqy ister ministri Sergei Lavrov braziliialyq O Globo gazetine bergen suhbatynda, Ýkrainadaǵy qaqtyǵysty retteý úshin Qyrymnyń, DHR, LHR, Herson jáne Zaporoje oblystarynyń Reseidiń quramyna kirgenin halyqaralyq deńgeide moiyndaý mindetti ekenin málimdedi, dep habarlaidy Ult.kz.
«Biz Kievtiń NATO-ǵa kirmeýi jáne onyń beitarap ári bloktarǵa qosylmaityn mártebesin 1990 jylǵy Ýkraina Memlekettik egemendigi týraly Deklaratsiiaǵa sáikes bekitý ýkrain daǵdarysynyń Reseidiń qaýipsizdik múddelerine sai túpkilikti sheshilýiniń eki negizgi tireginiń biri dep sanaimyz. Ekinshi tirek — Kievte 2014 jylǵy aqpandaǵy memlekettik tóńkeris nátijesinde ornaǵan neonatsistik rejimniń saldarlaryn eńserý, onyń ishinde orys tiline, buqaralyq aqparat quraldaryna, mádenietine, dástúrlerine jáne kanondyq pravoslaviege qarsy zańnamalyq ári fizikalyq joiý áreketterin toqtatý», — dedi Lavrov.
Ministr barlyq mindetteme zań júzinde bekitilýi, olardy oryndaý mehanizmderiniń bolýy jáne olardyń merzimsiz sipatta bolýy kerektigin atap ótti.
Syrtqy ister ministriniń aitýynsha, qazirgi kún tártibinde «Ýkrainany demilitarizatsiialaý jáne denatsifikatsiialaý, sanktsiialardy, sot isteri men tutqyndaý orderlerin joiý, Batysta "toqtatylǵan" reseilik aktivterdi qaitarý» máseleleri tur.
«Biz sondai-aq Reseige NATO, Eýroodaq jáne olardyń jekelegen múshe memleketteriniń bizdiń batys shekaralarymyzda júrgizetin dushpandyq áreketterinen týyndaityn qaýipterge qarsy senimdi qaýipsizdik kepildikterin talap etemiz», — dep qosty Lavrov.
