"Astana EKSPO-2017" ulttyq kompaniiasynyń Qoǵammen bailanys departamentiniń burynǵy direktory Sergei Kýianov "Samuryq-Qazyna" ulttyq ál-aýqat qorynda jańa qyzmetke taǵaiyndaldy, - dep habarlaidy "Ult aqparat" Tengrinews.kz agenttigine silteme jasap.
Sergei Kýianov "Samuryq-Qazyna" ulttyq ál-aýqat qorynyń Qoǵammen bailanys departamentin basqaratyn boldy. Onyń aitýynsha, jańa qyzmetke ol búgin, 15 qańtarda kiristi.
"Men jańa qyzmetke keldim, jumyspen tanysyp jatyrmyn. Ázirshe jaqsy ne jaman dep eshteńe aita almaimyn. Bastapqyda barlyǵyn túsinip alýym kerek, munda neniń qalai jumys isteitinin túsingim keledi", - dedi Sergei Kýianov.
Eske sala keteiik, 2017 jyldyń jeltoqsanynda Ahmetjan Esimov "Samuryq-Qazyna" ulttyq ál-aýqat qory basqarma tóraǵasy bolyp taǵaiyndalǵan edi. Ahmetjan Esimov 2015 jyly tamyz aiynda "Astana EKSPO-2017" UK" AQ basqarma tóraǵasy etip taǵaiyndalǵan bolatyn.
Sondai-aq, búgin "Samuryq-Qazyna" UÁQ" AQ jańa qurylymynyń bekitilgeni habarlanǵan edi. Jańa qurylymǵa sáikes, basqarýshy direktorlar sany 10-nan 5-ke deiin, departamentter men qurylymdyq bólimsheler sany 37-den 27-ge deiin qysqartyldy jáne basqarma tóraǵasynyń orynbasary qyzmetine bir shtattyq birligi engizildi.
