Elorda joldaryndaǵy qaýipsizdikti arttyrý maqsatynda beinejazba fýnktsiiasy keńeitildi. Júrgizýshi kýáliginen aiyrylǵandardyń kóliginiń nómiri júiege engiziledi. Bul týraly Nur-Sultan qalasy ákiminiń orynbasary Málika Bekturova Telegram-daǵy paraqshasynda jazdy, dep habarlaidy "Ult aqparat".
«Eger joldardaǵy kamera sońdai kólikti anyqtasa, onda olardyń qozǵalysy týraly aqparat birden politsiia qyzmetkerine túsedi. Júieniń múmkindigi aǵynnan «qaýipti avtokólikti» jaqyn mańdaǵy politsiia beketinen 3-6 km qashyqtyqta anyqtaýǵa múmkindik beredi. Ári qarai, osyndai júrgizýshiniń baǵytyn birneshe sekýndqa deiin esepteýge bolady», dedi Málika Bekturova.
Onyń aitýynsha, eki aptadan astam ýaqyt ishinde elordalyq politsiia alkogol nemese esirtkige mas kúiinde kólik júrgizgeni úshin 108 adamdy jaýapqa tartty. Olardyń 9-y buryn jol erejesin buzǵan úshin júrgizýshi kýáliginen aiyrylǵan.
