«Sergek» jobasyn jasaýshylardyń biri Qairat Ahmetov kameralarǵa qatysty josparlarymen bólisti, dep habarlaidy QazAqparat.
Qairat Ahmetov kameralarda bet-álpetti taný qyzmeti áli júzege asyrylmaǵanyn aitty.
«Bul - barlyq smartfonda bar tehnologiia. Bul qarapaiym fýnktsiia bolǵandyqtan, jańashyldyqqa jatpaidy. Bul jerde másele jeke basqa qatysty jaitqa kelip tireledi. Sondyqtan bul fýnktsiia «Sergek» jobasynda joq. Ol tek qoǵamdyq talqylaýlar men zańnyń aiasynda ǵana sheshiledi», - dep jaýap berdi Qairat Ahmetov «Digital Almaty 2021 - Jahandyq ekonomikanyń tsifrlyq bolashaǵy» atty halyqaralyq forýmynda.
Sonymen qatar, ol kameralardyń kómegimen qazir qylmystar men qoǵamdyq tártipti buzý derekteri ashylyp jatqanyn da atap ótti.
«Sergek» jol apttarynyń azaiýyna da septigin tigizdi. Bul politsiia, ákimdik pen prokýratýranyń birlesken jumysy. «Sergek» kameralary jolda ǵana emes, sonymen qatar qoǵamdyq oryndarda da ornatylǵan. Qazirdiń ózinde Nur-Sultan, Almaty, Óskemen, Atyraý qalalaryna jumys istep tur. Aldaǵy ýaqytta elimizdiń ózge de aimaqtaryna qoiylady», - dedi Qairat Ahmetov.
Spikerdiń aitýynsha, jobaǵa basqa memleketterdiń de qyzyǵýshylyq tanytyp otyr.
