Bir jarym jyl jol erejesin buzǵan elordalyq júrgizýshige «Sergek» kamerasynyń dálelimen 5 mln teńge aiyppul salyndy, dep habarlaidy "Ult aqparat".
Nur-Sultan qalasynyń mamandandyrylǵan aýdanaralyq ákimshilik sotynyń tóraǵasy Ýálihan Rahmatýllaev elordada ótken baspasóz máslihatynda elordada ákimshilik isterdiń sany byltyr 2018 jylmen salystyrǵanda 3,5 myńǵa óskenin aitty.
«Sergek» kameralary qalamyzdyń óte kóp jerinde ornatylǵan. Olar ózderiniń tiisti deńgeiinde jumystaryn atqaryp jatyr. Bizdiń jumystyń kóbeiip ketýiniń sebebi – «Sergek» kameralaryna bailanysty kóp kelispeýshilik týyndap otyr. «Sergek» kameralarymen taǵaiyndalǵan aiyppuldarǵa kelispei, shaǵym keltirý boiynsha bizge aryz kóp túsýde. Osy jaǵdai bizde qaralatyn istiń kóbeigenin kórsetti», - dedi Ýálihan Rahmatýllaev qalalyq mamandandyrylǵan aýdanaralyq ákimshilik sotta ótken baspasóz máslihatynda.
Onyń aitýynsha, bir azamatqa «Sergek» kamerasy arqyly aiyppul keletin bolsa, ol aiyppulmen kelispegen jaǵdaida ákimshilik sotqa júginip, kináli emes ekenin dáleldeýine múmkindik bar.
Al Nur-Sultan qalalyq sotynyń appeliatsiialyq alqa sýdiasy Mádeniet Omarbekova baspasóz máslihatynda bir isti mysalǵa keltirdi.
«Basqa eldiń nómirlerin taqqan kólikter bizde osy ýaqytqa deiin tirkelmei kelgenin bilesizder. Osyny paidalanǵan júrgizýshilerdiń biri jyldamdyqty asyryp, bir ózi 5 mln teńge aiyppul arqalady. Ol aiyppuldardyń bárine qaita shaǵym túsirip, kólikti aidaǵan ózi emes ekenin dáleldep baqqan. Al «Sergek» ony bárin túsirip alǵan. Al onyń kóligi Resei Federatsiiasynyń astanasy Máskeýde tirkelgen bolyp shyqty. Ol bir jarym jyldyń ishinde jol erejelerin buzyp, 5 mln teńge aiyppul arqalady», - dedi Mádeniet Omarbekova.
