Foto: Tengrinews.kz
Astanadaǵy intellektýal beinebaqylaý kameralary júiesi "Sergek" pen ákipmdik arasyndaǵy memlekettik-jekemenshik áriptestik (MJÁ) kelisimsharty aiaqtaldy. Ony qaita jasaspaidy. Máslihat depýtattary "Sergekti" almastyrýdy maquldady – endi Astanadaǵy beinebaqylaý júiesin BAÁ-niń Presignt kompaniiasy basqarady, dep habarlaidy BaigeNews.kz.
Kompaniia 2025-2030 jyldarǵa arnalǵan MJÁ jobasyn júzege asyrady. Bul jobaǵa 53 mlrd teńge jumsalady.
Maqsaty – "Aqyldy qala" (Smart City) kontseptsiiasy aiasynda infraqurylymdy damytý jáne jol qaýipsizdigin arttyrý.
100% shyǵyndy jeke seriktes ózi óteidi. Jobanyń 60%-yna qazaqstandyq kompaniialar qatysady. OAE kompaniiasy tólemderdi tek jobany paidalanýǵa engizgennen keiin alady. Al qazirgi bar kameralar jańa serikteske bir ai ishinde beriledi.
Aita keteiik, "Sergek" júiesi Astanada 2017 jyly iske qosylǵan. Bul MJÁ jobasy bolatyn. Ony "Kórkem Telekom" kompaniiasy ázirledi. Jobany júzege asyrýǵa jeke investorlar 8,4 mlrd teńge saldy.
Ákimdik investorlarǵa 24,9 mlrd teńge tóledi. Nátijesinde jeke investitsiialar úsh ese qaitarylǵany habarlandy.
