Almaty qalasynyń biýdjetine «Sergek» kameralarynan 2020 jyldyń qańtarynan bastap jeti mlrd teńge tústi. Bul týraly qalalyq mobildilik basqarmasynyń bastyǵy Ernur Abjahan qalalyq máslihattyń kezekten tys IV sessiiasynda aitty, dep habarlaidy QazAqparat.
Ernur Ábjahannyń aitýynsha, búgingi kúni qalada 2284 «Sergek» beine-baqylaý kamerasy jumys istep tur.
«2020 jyldyń qortyndysy boiynsha, joldaǵy ólim-jitim 48%, jol-kólik oqiǵalary 29%, jaraqat alǵan adamdarmen bolǵan jol-kólik oqiǵalary 30% tómendedi. 16 aida qala biýdjetine 7 milliard teńge tústi», - dedi spiker.
Onyń aitýynsha, «Sergek» júiesi jol erejelerin buzýshylardy anyqtaýǵa múmkindik berdi. Mas kúiinde kólik quralyn basqarǵany úshin 25 buzýshy, jalǵan memlekettik tirkeý belgileri bar 9 buzýshy, jol erejesin turaqty buzýshylar anyqtaldy. Jalpy, 144,6 mln teńge somasyna 11 myńǵa jýyq uiǵarym shyǵaryldy.
«Sondai-aq, ádilet jáne memlekettik kirister departamentimen birge salyq bereshegi bar jáne 1,2 mlrd teńgege aliment tóleýden jaltaratyn tulǵalar anyqtaldy. Mundai boryshkerlerdiń 23 kóligi qaryzdy tóleýge deiin mamandandyrylǵan aiyppul turaqtaryna ornalastyryldy», - deidi spiker.
