Serbiia jyl sońyna deiin reseilik «Sputnik V» vaktsinasynyń óndirisin jolǵa qoiýy múmkin, dep habarlaidy QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly.
Serbiia biligi jańa kásiporyn salý men jabdyq satyp alýǵa qajetti qarajatty bólýge daiyn ekendikterin málimdedi. Elde preparattyń orama óndirisi eki-úsh aidan keiin bastalady dep kútilýde, sodan keiin tolyq óndiristik tsikl iske qosylmaq.
Al japondyqtar «Pfizer» vaktsinasyn qoldanbaq. Qazir olar vaktsinatsiia naýqanyna daiyndyq ústinde.
«Vaktsinatsiiany kelesi aptanyń ortasynda bastaimyz», - dedi eldiń Premer-ministri Esihide Sýga.
Aldymen meditsina qyzmetkerleri, sodan keiin, shamamen sáýir aiynda egde jastaǵy adamdarǵa egý josparlanǵan.
Vengriia biligi koronavirýstan jazylǵan adamdarǵa, sondai-aq osy virýsqa qarsy vaktsina qabyldaǵan adamdarǵa arnaiy sertifikattar engizbekshi. Eki qujatta aqysyz rásimdeledi, biraq olardyń qandai quqyqtar beretini ázirge belgisiz.
