Túlekter ómir mektebiniń eń qyzyqty shaǵy ol – stýdenttik shaq dep beker aitpasa kerek. Stýdent ataný, stýdenttik shaqtyń ábrir kórinisin este qaldyrý, óz bilim ordańnyń dárejesine sai qyzmet etý, árbir izdenýshiniń mindeti dep bilemin.
Alǵash ál-Farabi atyndaǵy Qazaq ulttyq ýniversitetiniń jýrnalistika fakýltetine túskenimde, Ulttyq ýniversitettiń ulttyq qundylyqtary basym ekendigin, stýdenttiń oi- órisin keńeitetin túrli ǵylymi jobalar, ónerińdi shyńdaityn úiirmeler men uiymdar ataýyn estigende birden júrgizýshilik qabiletimdi shyńdaýǵa baryp edim.
Ýniversitet túlegi atanýyma az ýaqyt qaldy. Stýdent bop júrgende túrli baǵyttarda ózimdi shyńdaǵanyma biyl tórtinshi jyl eken. Árbir jyldyń qorytyndysyn jasai kele, fakýltetime qandai jetistik syiladym dep oi túietin edim. Al búgin men erekshe tolǵanystamyn! Sebebi Ulttyq ýniversitette mamyr aiynyń sońǵy senbisinde dástúrge ainalǵan túlekter keshi ótti.
Bilim ordasynan eki myńǵa jýyq stýdent qanat qaqqaly otyr. Túlekter ishinde úzdikterdiń úzdigi ataný, bergen senimdi ary qarai shyńdaý dep bilemin. QazUÝ túlegi ataný - men úshin abyroi, men úshin mártebe! Qala ishindegi qalashyq meni ómir mektebinde shyńdady. Ózge óńirlerden kelgen izdenýshilermen birge dos bolýdy, izgilikti boiyńa jinaýǵa, qaiyrymdy bolýǵa, ainalańdy nurǵa bóleitin jan bolýyma tárbieledi. Tal besikten alǵan tárbiemdi, ata-anamnyń sarqylmaityn meiirimin ýniversitette ushtastyrǵanyma qýanamyn.
Tańdaýym úzdik ýniversitetti qalap edi. Al men búgin óz ýniversitetimniń úzdigi atandym!
Janserikova Nazken
ál- Farabi atyndaǵy QazUÝ jýrnalistika fakýlteti 4- kýrs stýdenti
