تٷلەكتەر ٶمٸر مەكتەبٸنٸڭ ەڭ قىزىقتى شاعى ول – ستۋدەنتتٸك شاق دەپ بەكەر ايتپاسا كەرەك. ستۋدەنت اتانۋ, ستۋدەنتتٸك شاقتىڭ ەبرٸر كٶرٸنٸسٸن ەستە قالدىرۋ, ٶز بٸلٸم ورداڭنىڭ دەرەجەسٸنە ساي قىزمەت ەتۋ, ەربٸر ٸزدەنۋشٸنٸڭ مٸندەتٸ دەپ بٸلەمٸن.
العاش ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸنە تٷسكەنٸمدە, ۇلتتىق ۋنيۆەرسيتەتتٸڭ ۇلتتىق قۇندىلىقتارى باسىم ەكەندٸگٸن, ستۋدەنتتٸڭ وي- ٶرٸسٸن كەڭەيتەتٸن تٷرلٸ عىلىمي جوبالار, ٶنەرٸڭدٸ شىڭدايتىن ٷيٸرمەلەر مەن ۇيىمدار اتاۋىن ەستٸگەندە بٸردەن جٷرگٸزۋشٸلٸك قابٸلەتٸمدٸ شىڭداۋعا بارىپ ەدٸم.
ۋنيۆەرسيتەت تٷلەگٸ اتانۋىما از ۋاقىت قالدى. ستۋدەنت بوپ جٷرگەندە تٷرلٸ باعىتتاردا ٶزٸمدٸ شىڭداعانىما بيىل تٶرتٸنشٸ جىل ەكەن. ەربٸر جىلدىڭ قورىتىندىسىن جاساي كەلە, فاكۋلتەتٸمە قانداي جەتٸستٸك سىيلادىم دەپ وي تٷيەتٸن ەدٸم. ال بٷگٸن مەن ەرەكشە تولعانىستامىن! سەبەبٸ ۇلتتىق ۋنيۆەرسيتەتتە مامىر ايىنىڭ سوڭعى سەنبٸسٸندە دەستٷرگە اينالعان تٷلەكتەر كەشٸ ٶتتٸ.
بٸلٸم ورداسىنان ەكٸ مىڭعا جۋىق ستۋدەنت قانات قاققالى وتىر. تٷلەكتەر ٸشٸندە ٷزدٸكتەردٸڭ ٷزدٸگٸ اتانۋ, بەرگەن سەنٸمدٸ ارى قاراي شىڭداۋ دەپ بٸلەمٸن. قازۇۋ تٷلەگٸ اتانۋ - مەن ٷشٸن ابىروي, مەن ٷشٸن مەرتەبە! قالا ٸشٸندەگٸ قالاشىق مەنٸ ٶمٸر مەكتەبٸندە شىڭدادى. ٶزگە ٶڭٸرلەردەن كەلگەن ٸزدەنۋشٸلەرمەن بٸرگە دوس بولۋدى, ٸزگٸلٸكتٸ بويىڭا جيناۋعا, قايىرىمدى بولۋعا, اينالاڭدى نۇرعا بٶلەيتٸن جان بولۋىما تەربيەلەدٸ. تال بەسٸكتەن العان تەربيەمدٸ, اتا-انامنىڭ سارقىلمايتىن مەيٸرٸمٸن ۋنيۆەرسيتەتتە ۇشتاستىرعانىما قۋانامىن.
تاڭداۋىم ٷزدٸك ۋنيۆەرسيتەتتٸ قالاپ ەدٸ. ال مەن بٷگٸن ٶز ۋنيۆەرسيتەتٸمنٸڭ ٷزدٸگٸ اتاندىم!
جانسەرٸكوۆا نازكەن
ەل- فارابي اتىنداعى قازۇۋ جۋرناليستيكا فاكۋلتەتٸ 4- كۋرس ستۋدەنتٸ
