Foto: Khabar.kz
Osydan bir kún buryn Parijde ótip jatqan Olimpiada oiyndarynda dziýdodan qola medal jeńip alǵan Ǵusman Qyrǵyzbaev Eldos Smetov ekeýi bir-birine besik quda ekenin aityp berdi, dep habarlaidy "Ult aqparat" inbusiness.kz saitynna siltep.
"Eldos ekemiz bir-birimizge qudamyz. Bir kúni Eldos áiel balasymen úiime qydyryp keldi. Áńgime arasynda Eldos maǵan "ekeýmiz qanshama ýaqyttan beri birge kúresip, birge kele jatyrmyz. Qaida barsaq ta birge baramyz. Oqý-jattyǵý jiyndaryna da, jarystarǵa da birge attanamyz. Aramyzdan qyl ótpestei dospyz. Birdeme aitsam renjip qalmaisyń ba?" dedi. Kóńilimde eshteńe joq, berden "aita ber, renjimeimin" dedim. "Ekeýmizdiń dostyǵymyz máńgilik bolsyn. Sende qyz bar, mende ul bar. Seniń qyzyńa ulymdy qazaqy dástúrmen atastyrǵym kelip otyr. Búgingi dostar bolashaqta quda-qudaǵi bolaiyq" dedi. Aýyzym ashylyp, kózim baqyraiyp turyp qaldym. Ol maǵan "sol kúnge jetkizsin demeisiń ba? Men syrǵamdy alyp keldim" dep qyzyma syrǵa taqty. Osylai ekeýmiz qazir bir-birimizdi kórsek "qudeke" dep sóilesemiz", – dedi Ǵusman Qyrǵyzbaev.
Esterińizge sala keteiik, keshe Qyrǵyzbaev Parij Olimpiadasynda 66 keli salmaqta qola medal jeńip alǵan bolatyn.
