فوتو: Khabar.kz
وسىدان بٸر كٷن بۇرىن پاريجدە ٶتٸپ جاتقان وليمپيادا ويىندارىندا دزيۋدودان قولا مەدال جەڭٸپ العان عۇسمان قىرعىزباەۆ ەلدوس سمەتوۆ ەكەۋٸ بٸر-بٸرٸنە بەسٸك قۇدا ەكەنٸن ايتىپ بەردٸ, دەپ حابارلايدى "ۇلت اقپارات" inbusiness.kz سايتىننا سٸلتەپ.
"ەلدوس ەكەمٸز بٸر-بٸرٸمٸزگە قۇدامىز. بٸر كٷنٸ ەلدوس ەيەل بالاسىمەن ٷيٸمە قىدىرىپ كەلدٸ. ەڭگٸمە اراسىندا ەلدوس ماعان "ەكەۋمٸز قانشاما ۋاقىتتان بەرٸ بٸرگە كٷرەسٸپ, بٸرگە كەلە جاتىرمىز. قايدا بارساق تا بٸرگە بارامىز. وقۋ-جاتتىعۋ جيىندارىنا دا, جارىستارعا دا بٸرگە اتتانامىز. ارامىزدان قىل ٶتپەستەي دوسپىز. بٸردەمە ايتسام رەنجٸپ قالمايسىڭ با?" دەدٸ. كٶڭٸلٸمدە ەشتەڭە جوق, بەردەن "ايتا بەر, رەنجٸمەيمٸن" دەدٸم. "ەكەۋمٸزدٸڭ دوستىعىمىز مەڭگٸلٸك بولسىن. سەندە قىز بار, مەندە ۇل بار. سەنٸڭ قىزىڭا ۇلىمدى قازاقى دەستٷرمەن اتاستىرعىم كەلٸپ وتىر. بٷگٸنگٸ دوستار بولاشاقتا قۇدا-قۇداعي بولايىق" دەدٸ. اۋىزىم اشىلىپ, كٶزٸم باقىرايىپ تۇرىپ قالدىم. ول ماعان "سول كٷنگە جەتكٸزسٸن دەمەيسٸڭ با? مەن سىرعامدى الىپ كەلدٸم" دەپ قىزىما سىرعا تاقتى. وسىلاي ەكەۋمٸز قازٸر بٸر-بٸرٸمٸزدٸ كٶرسەك "قۇدەكە" دەپ سٶيلەسەمٸز", – دەدٸ عۇسمان قىرعىزباەۆ.
ەستەرٸڭٸزگە سالا كەتەيٸك, كەشە قىرعىزباەۆ پاريج وليمپياداسىندا 66 كەلٸ سالماقتا قولا مەدال جەڭٸپ العان بولاتىن.
