QR Densaýlyq saqtaý ministrliginiń resmi ókili Baǵdat Qojahmetov demalys kúndergi karantindik shekteýler qashan alynatynyn túsindirdi, dep habarlaidy "Ult aqparat".
«Shekteýlerdiń alynýy tek qana qazirgi epidemiialyq jaǵdaiǵa bailanysty. Qazir aýrýhanalarda 4 600 adam emdelip jatyr. Eger naýqastar sany tómendese, senbi-jeksenbidegi shekteýler alynady. Biraq, bul kórsetkishter ósetin bolsa, senbi-jeksenbidegi shekteýler basqa kúnderge de sozylýy múmkin», - dep jaýap berdi resmi ókil Ortalyq kommýnikatsiialar qyzmetinde ótken brifingte tilshi suraǵyna.
Sonymen birge, B. Qojahmetov elimizde qandai jaǵdaida karantin bastalatynyn aityp berdi.
«Eger de Qazaqstanda bir táýlikte barlyq infektsiialyq aýrýhanalarda 30 myń naýqas tirkelse, sol kúni arnaiy komissiia sheshim qabyldap, Qazaqstanda lokdaýn nemese karantin engizedi», - dedi Baǵdat Qojahmetov.
