قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ دەمالىس كٷندەرگٸ كارانتيندٸك شەكتەۋلەر قاشان الىناتىنىن تٷسٸندٸردٸ, دەپ حابارلايدى "ۇلت اقپارات".
«شەكتەۋلەردٸڭ الىنۋى تەك قانا قازٸرگٸ ەپيدەمييالىق جاعدايعا بايلانىستى. قازٸر اۋرۋحانالاردا 4 600 ادام ەمدەلٸپ جاتىر. ەگەر ناۋقاستار سانى تٶمەندەسە, سەنبٸ-جەكسەنبٸدەگٸ شەكتەۋلەر الىنادى. بٸراق, بۇل كٶرسەتكٸشتەر ٶسەتٸن بولسا, سەنبٸ-جەكسەنبٸدەگٸ شەكتەۋلەر باسقا كٷندەرگە دە سوزىلۋى مٷمكٸن», - دەپ جاۋاپ بەردٸ رەسمي ٶكٸل ورتالىق كوممۋنيكاتسييالار قىزمەتٸندە ٶتكەن بريفينگتە تٸلشٸ سۇراعىنا.
سونىمەن بٸرگە, ب. قوجاحمەتوۆ ەلٸمٸزدە قانداي جاعدايدا كارانتين باستالاتىنىن ايتىپ بەردٸ.
«ەگەر دە قازاقستاندا بٸر تەۋلٸكتە بارلىق ينفەكتسييالىق اۋرۋحانالاردا 30 مىڭ ناۋقاس تٸركەلسە, سول كٷنٸ ارنايى كوميسسييا شەشٸم قابىلداپ, قازاقستاندا لوكداۋن نەمەسە كارانتين ەنگٸزەدٸ», - دەدٸ باعدات قوجاحمەتوۆ.
