Parlament Senaty Halyqaralyq qatynastar, qorǵanys jáne qaýipsizdik komitetiniń keńeitilgen otyrysynda «Iadrolyq qarýǵa tyiym salý týraly shartty ratifikatsiialaý týraly» zań jobasy qaraldy.
Iadrolyq qarýǵa tyiym salý týraly shartqa 2017 jylǵy 7 shildede qol qoiylǵan bolatyn. Shartqa sáikes múshe memlekettiń aýmaǵynda iadrolyq qarýdy jáne/nemese iadrolyq jarylǵysh qurylǵylardy óndirýge, synaýǵa, satyp alýǵa, berýge, saqtaýǵa jáne ornalastyrýǵa tyiym salynady. Sonymen birge iadrolyq qarýdy qoldanýǵa, sondai-aq ony qoldaný qaterin tóndirýge tyiym salynady.
Shart Niý-Iorktegi BUU Bas Assambleiasynyń 72-sessiiasy aiasynda 2017 jylǵy 20 qyrkúiekten bastap qol qoiýǵa ashyldy jáne 50 memleket ratifikatsiialaǵannan keiin kúshine enedi (qazipri ýaqytta shartqa 70 memleket qol qoidy, 23 memleket ratifikatsiialady).
«Osy Shartty ratifikatsiialai otyryp Qazaqstan iadrolyq qarýdan azat álemdi qurý jáne saqtaý isine zor úles qosady, sondai-aq elimizdiń iadrolyq qarýsyzdaný salasyndaǵy kóshbasshylyǵyn naqtylaidy», - dep atap ótti senator Tóleýbek Muqashev.
Senatorlar sondai-aq «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskeri-tehnikalyq yntymaqtastyqtyń negizgi printsipteri týraly kelisimge ózgerister engizý týraly tórtinshi hattamany ratifikatsiialaý týraly» zań jobasyn qarady.
Hattamaǵa 2017 jylǵy 30 qarashada Minsk qalasynda Ujymdyq qaýipsizdik týraly shart uiymyna qatysýshy memleketter basshylary qol qoiǵan bolatyn. Qoldanystaǵy Kelisimge sáikes jetkiziletin áskeri ónimge baǵalar ulttyq bólimshelerdiń óz muqtajdary úshin satyp alatyn ishki baǵalary boiynsha belgilenetinin atap ótý qajet.
Osy Hattamanyń qabyldanýymen mundai jeńildikti baǵa óndirýshi tarap óz muqtajdary úshin satyp almaityn, biraq Kelisim talaptaryna sáikes UQShU-nyń basqa múshe memleketine jetkiziletin áskeri maqsattaǵy ónimge qoldanylady.
Zań jobalary Palatanyń qaraýyna jiberildi.
