Foto: duma.gov.ru
Senat qazaqstandyq sýdialarǵa qaýipsizdik kepildikterin beretin zań jobasyn birinshi oqylymda maquldady, - dep habarlaidy Tengrinews.kz.
Senat depýtattary keibir zańnamalyq aktilerge sot júiesi men sýdialardyń mártebesi máseleleri boiynsha ózgerister men tolyqtyrýlar engizdi.
Túzetýlerdiń biri sýdialarǵa Konstitýtsiialyq zańda bekitilgen jańa kepildik berýge qatysty. Depýtat Andrei Lýkinniń aitýynsha, búginde quqyq qorǵaý organdarynyń sýdialarǵa yqpal etý quraldary bar.
"Olardyń (quqyq qorǵaý organdary. - esk) qylmystyq is qozǵalmai kez kelgen sýdiaǵa qatysty arnaiy jedel-izdestirý sharalaryn júrgizýge quqyǵy bar. Ol úshin oblys prokýrorynyń sanktsiiasyn alý jetkilikti. Osy sátten bastap quqyq qorǵaý organy sýdiany tyńdai alady, ol jáne onyń jeke ómiri týraly derekter jinai alady. Sondyqtan sýdialardyń olardan qorqýyna negiz bar", - dedi Lýkin.
Onyń aitýynsha, Senatta talqylaý barysynda sýdialarǵa qatysty jedel-izdestirý sharalaryn júrgizýge tek Bas prokýror ruqsat beretini kontseptýaldy túrde anyqtalǵan.
"Bul kepildikti Konstitýtsiialyq zań deńgeiinde bekitý usynylady. Bul sýdialardyń táýelsizdigin nyǵaitady", - dep qosty Lýkin.
