Palata tóraǵasy Máýlen Áshimbaevtyń tóraǵalyq etýimen Biýrootyrysy boldy. Onda depýtattar 2021 jylǵy 8 sáýirde ótetin Senattyń aldaǵy otyrysynyń kún tártibin talqylady, dep habarlaidy "Ult aqparat" joǵary jalatanyń baspasóz qyzmetine silteme jasap.
Senatorlar Palatanyń aldaǵy otyrysynda «QazaqstanRespýblikasynyń Úkimeti men Qyrǵyz Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» zań jobasyn qaraidy.
Kelisim eki el arasyndaǵy kóshi-qon protsesterin retteý jónindegi málimetter almasýdy ońailatýǵa múmkindik beredi. Osylaisha, taraptar statistikalyq, quqyqtyq jáne ǵylymi-ádistemelik aqparatty, sondai-aq olardyń aýmaǵyndaǵy eki memlekettiń azamattary týraly málimetterdi almasa alady.
Sondai-aq Senat depýtattary «Qazaqstan Respýblikasynyń keibir zańnamalyq aktilerine týristik qyzmet máseleleri boiynsha ózgerister men tolyqtyrýlar engizý týraly» zań jobasyn talqyǵa salady.
Elimizde týristik basymdyqqa ie TOP-10 aýmaq belgilenetin bolady.
Eger investorlar ol jerlerde týristik obektilerdiń qurylysyn bastaýdy uiǵarsa, onda sol kásipkerlerge jeńildikter beriledi.
Biýro otyrysy barysynda Májilisten kelip túsken zań jobalary Senattyń turaqty komitetterine bólinip berildi.
