Palata Tóraǵasy Máýlen Áshimbaevtyń tóraǵalyq etýimen Biýro otyrysy boldy. Depýtattar Senattyń aldaǵy 2020 jylǵy 24 jáne 29 jeltoqsanda ótetin otyrystarynyń kún tártipterin talqylady, dep habarlaidy QR Parlamenti Senatynyń baspasóz qyzmeti.
Senatorlar 24 jeltoqsandaǵy otyrysta «Tehnikalyq retteý týraly» zań jobasyn qaraityn boldy. Jańa mátinde qabyldanatyn bul zańda tehnikalyq retteý salasyndaǵy baqylaý-qadaǵalaý qyzmetiniń ashyqtyǵy men tiimdiligi, qaýipti ónimniń jolyn kesýdiń jedeldigi qamtamasyz etiledi, bizneste adal kásipkerlikke jaǵdai jasaidy.
Senatorlar sonymen qatar «Qazaqstan Respýblikasynyń keibir zańnamalyq aktilerine tehnikalyq retteý, kásipkerlik, memlekettik basqarý júiesin jetildirý jáne tólemder máseleleri boiynsha ózgerister men tolyqtyrýlar engizý týraly» jáne «Qazaqstan Respýblikasynyń keibir zańnamalyq aktilerine kedendik retteý jáne kásipkerlik qyzmet máseleleri boiynsha ózgerister men tolyqtyrýlar engizý týraly» zań jobalaryn da talqylaityn bolady.
Parlament Májilisi maquldaǵan «Qazaqstan Respýblikasynyń Úkimeti men Birikken Arab Ámirlikteriniń Úkimeti arasyndaǵy Qazaqstan Respýblikasynyń Birikken Arab Ámirlikterindegi Elshiliginiń jáne Birikken Arab Ámirlikteriniń Qazaqstan Respýblikasyndaǵy Elshiliginiń qajettilikterine Astana qalasynda jáne Ábý Dabi qalasynda jer ýchaskelerin óteýsiz paidalanýǵa ózara berý týraly kelisimdi ratifikatsiialaý týraly» jáne «Qazaqstan Respýblikasynyń keibir zańnamalyq aktilerine qoǵamdyq keńesterdiń qyzmeti máseleleri boiynsha ózgerister men tolyqtyrýlar engizý týraly» zań jobalary depýtattardyń qaraýyna da usynylady.
Otyrystyń kún tártibine «Qazaqstan Respýblikasynyń keibir zańnamalyq aktilerine mádeniet, dene shynyqtyrý jáne sport máseleleri boiynsha ózgerister men tolyqtyrýlar engizý týraly» zań jobasy da engizildi. Halyqty saýyqtyrýdyń neǵurlym qoljetimdi jáne tiimdi tetikteriniń biri dene shynyqtyrý men sportpen ainalysý bolyp tabylady, ol úshin azamattardyń salaýatty ómir saltyn ustanýyna, damyǵan sport infraqurylymyna qol jetkizýge jáne qazaqstandyq sporttyń álemdik deńgeidegi básekege qabilettiligin arttyrýǵa múmkindik beretin qolaily orta qurý qajet. Ol úshin zańnamaǵa ózgerister engizý qajet, - dep sanaidy Senat depýtattary.
Al 29 jeltoqsandaǵy Senat otyrysynda depýtattar «Qazaqstan Respýblikasynyń keibir zańnamalyq aktilerine bilim berý máseleleri boiynsha ózgerister men tolyqtyrýlar engizý týraly», «Qazaqstan Respýblikasynyń keibir zańnamalyq aktilerine veterinariia máseleleri boiynsha ózgerister men tolyqtyrýlar engizý týraly», «Qazaqstan Respýblikasynyń keibir zańnamalyq aktilerine maqta salasy máseleleri boiynsha ózgerister engizý jáne «Maqta salasyn damytý týraly» Qazaqstan Respýblikasy Zańynyń kúshi joiyldy dep taný týraly» jáne «Qazaqstan Respýblikasynyń keibir zańnamalyq aktilerine kúzet qyzmeti máseleleri boiynsha ózgerister men tolyqtyrýlar engizý týraly» zań jobalaryn qaraidy.
