Almaty energetika jáne bailanys ýniversitetiniń stýdenti Almas Júsip búgingi tańda atalǵan oqý ornynyń úshinshi kýrsynda bilim alyp júr. Ol oqýshy kezinen robototehnikaǵa qyzyǵyp, ózi bilim alǵan Nazarbaev mektebinde robot qurastyrýmen ainalysqan, – dep habarlaidy «Ult aqparat».
Sol armanyn oryndaý úshin ol tehnikalyq salany tańdap, búgingi tańda energetika jáne bailanys ýniversitetiniń úzdik stýdentteriniń qatarynda.
«Men qazir robototehnikamen ainalysqanyma tórt-bes jyl boldy. Oqýshy kezimde bastaǵan bul oiym, búgingi tańda úlken salaǵa qarai jetelep kele jatqanyna kúmánim joq. Biz bastaǵan ýaqytta bul sala endi bastaý alyp jatqandyqtan, ol kezde tolyǵymen ainalysýǵa múmkindik bola qoimady. Al búginde robototehnika balabaqshadan bastap, mektep, kolledj, ýniversitetterde de qarqyndy damyp, tereń beleń aldy», – deidi Almaty energetika jáne bailanys ýniversitetiniń stýdenti Almas Júsip.
Elimizdegi tehnikalyq bilim berý sapasyn arttyrý: energetika, robototehnika jáne aspap jasaýdy innovatsiialyq damytý – Prezident tapsyrmalarynyń biri bolyp otyr. Senatorlar sala sarapshylarymen kezdesý barysynda ol tapsyrmalardyń qalai júzege asatyny, sondai-aq joǵary bilimdi mamandardy tárbieleý úshin odan ári qandai qadamdar jasaý qajettigin talqylady. Osy oraida, Qazaqstan Respýblikasy Parlamenti Senatynyń depýtattary Baqytjan Jumaǵulov, Dinar Nóketaeva, Sultanbek Mákejanov, Nurtóre Júsip jáne Dana Nurjigitova Almatyǵa sapary aiasynda Ǵumarbek Dáýkeev atyndaǵy Almaty energetika jáne bailanys ýniversitetiniń stýdentterimen jáne oqytýshylarymen kezdesti.
«Búgingi kezdesýdiń mańyzy – tehnikalyq bilim berýdiń mańyzy men tehnikalyq mamandyqtardyń qajettigin kórsetetin qaiyrly kesh bolyp otyr. Búgingi tańda kóptegen jastar gýmanitarlyq salany tańdaityndyqtan sońǵy on jyldyqta tehnikalyq mamandyqtarǵa suranys kemip, mamandar jetispeýshiligi týyndaǵany jasyryn emes. Sondyqtan da biz sizderdi, tehnikalyq salany tańdaǵan jastardy qurmetteimiz. Elimizdiń bolashaǵy, ekonomikasy myna sizderge tikelei bailanysty», – dedi Senatynyń depýtat Sultanbek Mákejanov.
Kezdesýge qatysýshylar Memleket basshysynyń taiaýdaǵy Joldaýynda jariia etilgen reformalardy jan-jaqty talqylady. Senatorlar sondai-aq ýniversitettiń ǵylymi jobalarymen, materialdyq-tehnikalyq bazasymen tanysty.
Aita keteiik, Ǵumarbek Dáýkeev atyndaǵy Almaty energetika jáne bailanys ýniversiteti — energetika, telekommýnikatsiia, IT-tehnologiialar jáne aqparattyq qaýipsizdik, ǵaryshtyq injeneriia, robototehnika jáne jasandy intellekt salalarynda kadrlar daiarlaýdy júzege asyratyn Ortalyq Aziiadaǵy jetekshi tehnikalyq joǵary oqý oryndarynyń biri. Atalǵan oqý orny kommertsiialyq emes uiym mártebesi bar alǵashqy memlekettik emes tehnikalyq ýniversitet. Oqytý qazaq jáne orys tilderinde júrgiziledi. 2013 jyldan bastap «Radiotehnika, elektronika jáne telekommýnikatsiialar» jáne «Elektr energetikasy» siiaqty eki mamandyǵy aǵylshyn tilinde oqytyla bastady.
Esterińizge sala keteiik, Qazaqstan Respýblikasy Parlamenti Senatynyń depýtattary Baqytjan Jumaǵulov, Dinar Nóketaeva, Sultanbek Mákejanov, Nurtóre Júsip jáne Dana Nurjigitova Almatyǵa sapary aiasynda Ǵumarbek Dáýkeev atyndaǵy Almaty energetika jáne bailanys ýniversitetiniń stýdentterimen jáne oqytýshylarymen kezdesip, Memleket basshysynyń taiaýdaǵy Joldaýynda jariia etilgen reformalardy jan-jaqty talqylady. Senatorlar sondai-aq ýniversitettiń ǵylymi jobalarymen, materialdyq-tehnikalyq bazasymen tanysty.
