Parlament Senatynyń Áleýmettik-mádeni damý jáne ǵylym komitetiniń músheleri Qazaqstan Prezidentiniń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýynda belgilengen mindetterdi iske asyrý aiasynda latyn álipbiine kóshý jáne qazaq tilindegi terminologiiany jetildirý máseleleri boiynsha mádeniet jáne sport ministrliginiń basshylyǵymen kezdesti.
Sharany ashqan komitet tóraǵasy Birǵanym Áitimova Elbasynyń «Qazaqstan-2050» Strategiiasy men «Bolashaqqa baǵdar: rýhani jańǵyrý» maqalasynda 2025 jyldan bastap latyn álipbiine kóshý týraly aitqanyn eske salyp, is qaǵazdary, merzimdi baspasóz, oqýlyqtar latyn álipbiimen basylyp shyǵa bastaýy tiis ekenin atap ótti.
Kezdesýde sóz alǵan mádeniet jáne sport ministri Arystanbek Muhamediuly qazirgi kezeńde orfografiialyq jumys tobynyń birneshe otyrysy ótkeni jáne jańa álipbidiń emle erejeleriniń tujyrymdamasy daiyndalǵany týraly habardar etti. Qyrkúiek aiynda emle erejesiniń jobasy mamandarǵa, barlyq oqý oryndaryna jáne tiisti mekemelerge jiberilip, tanystyrylatyn bolady. Olardan kelgen usynystar eskerilip, jyldyń sońyna deiin ony bekitý josparlanǵan. Ádistemelik jumys toby osy emle erejelerin oqý oryndarynda jáne taǵy da basqa mekemelerde aprobatsiiadan ótkizip, saraptamalyq jumys toby onyń tehnikalyq jobalary ázirlenedi. Terminologiialyq jumys toby óz otyrystarynda jańa álipbige kóshken kezde terminderdi qalyptastyrý isi júzege asyp jatqany aityldy.
Ministrliktiń aldaǵy mindeti – Úkimet tarapynan bekitilgen 2025 jylǵa deiingi latyn grafikasyna kezeń-kezeńimen kóshý josparyna sáikes sapaly jumys atqarý bolyp tabylady. Qazirge deiin 21 myń termin bekitilse, onyń 40,8 protsenti (8571 termin) – tól terminder, al 59,2 protsenti (12429 termin) kirme jáne aralas terminderdi qurap otyr. Osy terminderge jasalý jáne aýdarý turǵysynan tolyq lingvistikalyq saraptama jasalýda.
Kezdesýde «Sh.Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵy» AQ atqarýshy direktoryErbolTileshov latyn árpine kóshe máselesi boiynsha atqarylyp jatqan jumystary týraly baiandady.
Masáleni talqylaýǵa senator M.Baqtiiaruly, D.Nóketaeva, B.Jumaǵulov, S.Ershov jáne Májilis depýtaty B.Smaǵul, sondai-aq ǵalymdar men sarapshylar qatysty.
Kezdesý qorytyndysy boiynsha ázirlengen usynystardy Úkimetke jáne basqa da múddeli memlekettik organdarǵa jiberý týraly sheshim qabyldandy.
.jpeg)