Palata tóraǵasy Máýlen Áshimbaevtyń tóraǵalyǵymen Senat Biýrosynyń otyrysynda depýtattar aldaǵy jalpy otyrystyń kún tártibin talqylady, dep habarlaidy "Ult aqparat".
«Depýtattar 2020 jylǵy 8 qazan, beisenbide Senat otyrysynda «Qazaqstan Respýblikasy men Ýkraina arasyndaǵy qylmystyq ister boiynsha quqyqtyq kómek týraly shartty ratifikatsiialaý týraly» zań jobasyn qaraityn boldy. Biýro músheleri Áleýmettik-mádeni damý jáne ǵylym komiteti otyrysynyń qorytyndysy boiynsha aqparatty tyńdady, onda depýtattar elimizdegi meditsinalyq qyzmetterdiń sapasy, qoljetimdiligi jáne damý keleshegi máselelerin talqylaǵan bolatyn», - delingen Senat baspasóz qyzmetiniń málimetinde.
Senatorlar Qarjy jáne biýdjet komiteti músheleriniń «Tórtinshi deńgeidegi biýdjet jáne jergilikti ózin-ózi basqarýdyń qarjylyq turaqtylyǵy: problemalar jáne olardy sheshý joldary» taqyryby boiynsha dóńgelek ústel otyrysyna daiyndyq aiasynda Aqmola oblysyna saparynyń nátijelerin jeke talqylady.
Senat Biýrosynyń otyrysynda Máýlen Áshimbaev 2020 jylǵy 16 qazanda «Bilim berý, densaýlyq saqtaý, jumyspen qamtý salalaryndaǵy tsifrlandyrý: jai-kúii, qoljetimdiligi jáne qaýipsizdigi» taqyryby boiynsha mańyzdy Úkimet saǵaty sharasy ótetinin eske saldy.
Sonymen qatar Biýroda Májilisten kelip túsken zań jobalary bólinip berildi. Konstitýtsiialyq zańnama, sot júiesi jáne quqyq qorǵaý organdary komiteti «Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» zań jobasy boiynsha bas komitet bolyp belgilendi.
Halyqaralyq qatynastar, qorǵanys jáne qaýipsizdik komitetine «Qazaqstan Respýblikasynyń keibir zańnamalyq aktilerine Qazaqstan Respýblikasynyń Memlekettik shekarasyn kúzetý jáne ulttyq qaýipsizdik máseleleri boiynsha ózgerister men tolyqtyrýlar engizý týraly» zań jobasy boiynsha qorytyndy ázirleý tapsyryldy.
