پالاتا تٶراعاسى مەۋلەن ەشٸمباەۆتىڭ تٶراعالىعىمەن سەنات بيۋروسىنىڭ وتىرىسىندا دەپۋتاتتار الداعى جالپى وتىرىستىڭ كٷن تەرتٸبٸن تالقىلادى, دەپ حابارلايدى "ۇلت اقپارات".
«دەپۋتاتتار 2020 جىلعى 8 قازان, بەيسەنبٸدە سەنات وتىرىسىندا «قازاقستان رەسپۋبليكاسى مەن ۋكراينا اراسىنداعى قىلمىستىق ٸستەر بويىنشا قۇقىقتىق كٶمەك تۋرالى شارتتى راتيفيكاتسييالاۋ تۋرالى» زاڭ جوباسىن قارايتىن بولدى. بيۋرو مٷشەلەرٸ ەلەۋمەتتٸك-مەدەني دامۋ جەنە عىلىم كوميتەتٸ وتىرىسىنىڭ قورىتىندىسى بويىنشا اقپاراتتى تىڭدادى, وندا دەپۋتاتتار ەلٸمٸزدەگٸ مەديتسينالىق قىزمەتتەردٸڭ ساپاسى, قولجەتٸمدٸلٸگٸ جەنە دامۋ كەلەشەگٸ مەسەلەلەرٸن تالقىلاعان بولاتىن», - دەلٸنگەن سەنات باسپاسٶز قىزمەتٸنٸڭ مەلٸمەتٸندە.
سەناتورلار قارجى جەنە بيۋدجەت كوميتەتٸ مٷشەلەرٸنٸڭ «تٶرتٸنشٸ دەڭگەيدەگٸ بيۋدجەت جەنە جەرگٸلٸكتٸ ٶزٸن-ٶزٸ باسقارۋدىڭ قارجىلىق تۇراقتىلىعى: پروبلەمالار جەنە ولاردى شەشۋ جولدارى» تاقىرىبى بويىنشا دٶڭگەلەك ٷستەل وتىرىسىنا دايىندىق اياسىندا اقمولا وبلىسىنا ساپارىنىڭ نەتيجەلەرٸن جەكە تالقىلادى.
سەنات بيۋروسىنىڭ وتىرىسىندا مەۋلەن ەشٸمباەۆ 2020 جىلعى 16 قازاندا «بٸلٸم بەرۋ, دەنساۋلىق ساقتاۋ, جۇمىسپەن قامتۋ سالالارىنداعى تسيفرلاندىرۋ: جاي-كٷيٸ, قولجەتٸمدٸلٸگٸ جەنە قاۋٸپسٸزدٸگٸ» تاقىرىبى بويىنشا ماڭىزدى ٷكٸمەت ساعاتى شاراسى ٶتەتٸنٸن ەسكە سالدى.
سونىمەن قاتار بيۋرودا مەجٸلٸستەن كەلٸپ تٷسكەن زاڭ جوبالارى بٶلٸنٸپ بەرٸلدٸ. كونستيتۋتسييالىق زاڭناما, سوت جٷيەسٸ جەنە قۇقىق قورعاۋ ورگاندارى كوميتەتٸ «قازاقستان رەسپۋبليكاسىنىڭ ٷكٸمەتٸ مەن بەلارۋس رەسپۋبليكاسىنىڭ ٷكٸمەتٸ اراسىنداعى كٶشٸ-قون سالاسىنداعى ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى بويىنشا باس كوميتەت بولىپ بەلگٸلەندٸ.
حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قازاقستان رەسپۋبليكاسىنىڭ مەملەكەتتٸك شەكاراسىن كٷزەتۋ جەنە ۇلتتىق قاۋٸپسٸزدٸك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بويىنشا قورىتىندى ەزٸرلەۋ تاپسىرىلدى.
