Búgin Senattyń Áleýmettik-mádeni damý jáne ǵylym komitetiniń keńeitilgen otyrysy bolyp, onda senatorlar «Qazaqstan Respýblikasynyń Eńbek kodeksine qashyqtan jumys isteýdiń quqyqtyq rettelýin jetildirý máseleleri boiynsha ózgerister men tolyqtyrýlar engizý týraly» zań jobasyn qarady, dep habarlaidy "Ult aqparat".
Zań jobasy qashyqtan jumys isteý túrin quqyqtyq retteýge baǵyttalǵan. Osy qujatty qabyldaǵannan keiin qyzmetkerler jumys berýshimen kelisim boiynsha qashyqtan jumys istei alady. Jumys berýshi qashyqtan jumys isteýdi nemese aralas qashyqtan jumys isteýdi tótenshe nemese soǵys jaǵdaiy engizilgen, tótenshe jaǵdai, karantin jariialanǵan kezeńde jáne basqa da jaǵdailarda ýaqytsha belgileýge quqyly.
Qyzmetkerlerdiń eńbek quqyqtaryn qorǵaý – zań jobasynyń negizgi mindetteriniń biri. Atap aitqanda, jumys berýshi qashyqtan jumys isteitin qyzmetkerlerin qajetti jabdyqtarmen, aqparattandyrý obektilerimen, bailanys qyzmetterimen jáne basqa quraldarmen qamtamasyz etýge mindetti dep jazylǵan. Al qashyqtan jumys isteý kezindegi jalaqy eńbek shartynda kórsetilgen jumys kólemin oryndaý kezinde tolyq mólsherde tólenýi kerek.
Zań jobasy Palatanyń qaraýyna jiberildi.
