بٷگٸن سەناتتىڭ ەلەۋمەتتٸك-مەدەني دامۋ جەنە عىلىم كوميتەتٸنٸڭ كەڭەيتٸلگەن وتىرىسى بولىپ, وندا سەناتورلار «قازاقستان رەسپۋبليكاسىنىڭ ەڭبەك كودەكسٸنە قاشىقتان جۇمىس ٸستەۋدٸڭ قۇقىقتىق رەتتەلۋٸن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن قارادى, دەپ حابارلايدى "ۇلت اقپارات".
زاڭ جوباسى قاشىقتان جۇمىس ٸستەۋ تٷرٸن قۇقىقتىق رەتتەۋگە باعىتتالعان. وسى قۇجاتتى قابىلداعاننان كەيٸن قىزمەتكەرلەر جۇمىس بەرۋشٸمەن كەلٸسٸم بويىنشا قاشىقتان جۇمىس ٸستەي الادى. جۇمىس بەرۋشٸ قاشىقتان جۇمىس ٸستەۋدٸ نەمەسە ارالاس قاشىقتان جۇمىس ٸستەۋدٸ تٶتەنشە نەمەسە سوعىس جاعدايى ەنگٸزٸلگەن, تٶتەنشە جاعداي, كارانتين جارييالانعان كەزەڭدە جەنە باسقا دا جاعدايلاردا ۋاقىتشا بەلگٸلەۋگە قۇقىلى.
قىزمەتكەرلەردٸڭ ەڭبەك قۇقىقتارىن قورعاۋ – زاڭ جوباسىنىڭ نەگٸزگٸ مٸندەتتەرٸنٸڭ بٸرٸ. اتاپ ايتقاندا, جۇمىس بەرۋشٸ قاشىقتان جۇمىس ٸستەيتٸن قىزمەتكەرلەرٸن قاجەتتٸ جابدىقتارمەن, اقپاراتتاندىرۋ وبەكتٸلەرٸمەن, بايلانىس قىزمەتتەرٸمەن جەنە باسقا قۇرالدارمەن قامتاماسىز ەتۋگە مٸندەتتٸ دەپ جازىلعان. ال قاشىقتان جۇمىس ٸستەۋ كەزٸندەگٸ جالاقى ەڭبەك شارتىندا كٶرسەتٸلگەن جۇمىس كٶلەمٸن ورىنداۋ كەزٸندە تولىق مٶلشەردە تٶلەنۋٸ كەرەك.
زاڭ جوباسى پالاتانىڭ قاراۋىنا جٸبەرٸلدٸ.
