Senat Spikeri Máýlen Áshimbaevtyń tóraǵalyǵymen Palata biýrosynyń otyrysy ótti. Onda depýtattar 2021 jylǵy 11 aqpanda ótetin Senat otyrysynyń kún tártibin talqylady, dep habarlaidy "Ult aqparat".
Aldaǵy otyrysta senatorlar «Qazaqstan Respýblikasynyń diplomatiialyq qyzmeti týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasyn qaraidy. Bul qujat qoldanystaǵy diplomatiialyq qyzmet týraly zań normalaryn jetildirýge jáne osy baǵyttaǵy olqylyqtardy joiýǵa arnalǵan.
Sondai-aq, «Qazaqstan Respýblikasynyń keibir zańnamalyq aktilerine atom energiiasyn paidalaný máseleleri boiynsha ózgerister men tolyqtyrýlar engizý týraly» zań jobasy da Senat otyrysynyń kún tártibine shyǵaryldy. Atalǵan zań jobasy iadrolyq tehnologiialardy qoldanýǵa, saqtaýǵa jáne tasymaldaýǵa qatysty týyndaityn qaýip-qaterdi azaitýdy kózdeidi.
Sonymen qatar Biýro otyrysynda Májilisten kelip túsken zań jobalary turaqty Komitetterge bólinip berildi.
