Senatta Asqar Shákirovtiń tóraǵalyq etýimen Halyqaralyq qatynastar, qorǵanys jáne qaýipsizdik komitetiniń otyrysy boldy. Onda Qaraǵandy oblysyndaǵy aimaqtyq azamattyq qorǵanys júiesiniń máseleleri talqylandy, dep habarlaidy "Ult aqparat".
Senat baspasóz qyzmetiniń málimetinshe, onlain rejimde ótken kezdesýge Tótenshe jaǵdailar ministri Iýrii Ilin men Qaraǵandy oblysynyń ákimi Jeńis Qasymbek qatysty.
Depýtattarǵa Qaraǵandy oblysyndaǵy 394 zaýyttaǵy 36 862 qaýipti óndiriste paidalanylyp otyrǵan ónerkásip qaýipsizdigi men tehnikalyq qurylǵylardyń jaǵdaiy udaiy qadaǵalaýda ekeni aityldy. Tótenshe jaǵdailar departamenti 2020 jyldyń 8 aiynda 132 tekserý júrgizip, óndiristik qaýipsizdik erejelerin buzý faktileri anyqtaldy.
Biylǵy jyly elimizde 8919 tótenshe jaǵdai boldy jáne onda 15 myńnan astam adam zardap shekti. Sarapshylardyń pikiri boiynsha 7 797 tótenshe jaǵdai tehnogendik sipattaǵy óndiristik apattar, órtter men jarylystar bolyp otyr.
Asqar Shákirov tehnogendik jáne tabiǵi apattarǵa qarsy is-qimyl – bul eldiń turaqty damýy men azamattardyń qaýipsizdigine baǵyttalǵan memlekettik saiasattyń mańyzdy strategiialyq bóligi ekenin atap ótti.
«Tótenshe jaǵdailardyń aldyn alý jáne saldaryn joiý jónindegi is-sharalardy josparlaý tásilin qaita qaraý qajet. Ol osy problemalarǵa naqty taldaý jasaýǵa, jaǵdaidyń damýyn boljaýǵa jáne alda turǵan mindetterdi keshendi sheshýge negizdelýi kerek», - dedi Senat tóraǵasynyń orynbasary.
Kezdesý qorytyndysy boiynsha Senattyń Halyqaralyq qatynastar, qorǵanys jáne qaýipsizdik komitetiniń tóraǵasy Muhtar Qul-Muhammed Memleket basshysy Qasym-Jomart Toqaev óz Joldaýynda barlyq azamattardyń ózin-ózi damytýǵa umtylý qajettigin atap ótkenin eske saldy, óitkeni ýaqyt talaby bizdi únemi damýǵa, jetildirýge ári kúsheie túsýge yqpal etedi.
