Energetika ministri Nurlan Noǵaev senatorlardyń nazaryna «QR keibir zańnamalyq aktilerge atom energiiasyn paidalaný máseleleri boiynsha ózgerister men tolyqtyrýlar engizý týraly» zań jobasyn usyndy, dep habarlaidy QazAqparat.
Ministrdiń aitýynsha, zań jobasy qoldanystaǵy zańnamanyń quqyqtyq qaishylyqtaryn joiýdy kózdeidi. Sondai-aq qujat keibir normalardy atom energiiasy jónindegi halyqaralyq agenttiktiń (AEHA) qaýipsizdik jónindegi halyqaralyq normalaryna sáikes keltirýge baǵyttalǵan.
«Ol úshin «Atom energiiasyn paidalaný týraly» jáne «Halyqtyń radiatsiialyq qaýipsizdigi týraly» zańdarynyń normalarynyń terminologiiasy men uǵymdyq apparatyn naqtylaý kózdeledi. Halyqtyń radiatsiialyq qaýipsizdigi salasyndaǵy memlekettik saiasatty sapaly iske asyrý, sondai-aq ókilettikterdiń qaitalanýyn boldyrmaý maqsatynda ýákiletti memlekettik organdardyń ókilettikteri men fýnktsiialaryn shekteý kerek. Bilimdi tekserýden ótý rásimderin yryqtandyrý maqsatynda atom energiiasyn paidalaný obektilerinde jumys isteitin personalǵa attestattaýdan qaita ótý quqyǵyn berý josparlanǵan», - dedi ol.
Sonymen qatar atalmysh zań arqyly iadrolyq materialdardy, radioaktivti zattardy jáne radioaktivti qaldyqtardy tasymaldaý kezinde iadrolyq jáne radiatsiialyq avariialarǵa avariialyq ázirlikti jáne den qoiýdy reglamentteý kózdelgen.
Senatorlardyń talqylaýynan keiin zań jobasy qabyldandy.
