Senat tóraǵasynyń orynbasary Asqar Shákirov pen senator Nurtóre Júsip Premer-Ministr Asqar Maminniń atyna depýtattyq saýal joldady. Olardyń aitýynsha, azamattardyń óz quqyqtaryn qorǵaý máselelerin tolyq bilmeýi quqyqtyq tetikterdi qoldanýǵa múmkindik bermeidi, dep habarlaidy "Ult aqparat".
«Jyl saiyn balalarǵa qatysty qylmys sany kóbeiip otyr. Bas prokýratýranyń málimetine súiensek, biyl elimizde mundai jaǵdai 8 paiyzǵa ósken. Oǵan kámeletke tolmaǵandarǵa qatysty seksýaldyq sipattaǵy faktilerdi jasyrǵany úshin qylmystyq jaýapkershiliktiń engizilýi de sebep boldy. Jalpy, 70 paiyzdan astam jaǵdaida kámeletke tolmaǵandarǵa qatysty qylmystardy jaqyn, týys adamdar jasaityny alańdatady», – delingen senatorlardyń depýtattyq saýalynda.
Soǵan sáikes olar adam quqyqtarynyń negizderin jalpy bilim beretin mektep baǵdarlamasyna mindetti pán retinde engizýdi usyndy.
«Qazir joǵary synyptarda «Adam. Qoǵam. Quqyq» páni oqytylady. Onyń mazmuny adam quqyqtary men bostandyqtarynyń máni, olardy qorǵaý tásilderine emes, adam tabiǵaty týraly jalpy paiymdaýlar tóńireginde ǵana júredi. Qoǵamdaǵy ahýaldy eskerip, atalǵan pándi bastaýysh synyptardan bastap oqytqan jón dep esepteimiz», – dedi Nurtóre Júsip.
