سەنات تٶراعاسىنىڭ ورىنباسارى اسقار شەكٸروۆ پەن سەناتور نۇرتٶرە جٷسٸپ پرەمەر-مينيستر اسقار ماميننٸڭ اتىنا دەپۋتاتتىق ساۋال جولدادى. ولاردىڭ ايتۋىنشا, ازاماتتاردىڭ ٶز قۇقىقتارىن قورعاۋ مەسەلەلەرٸن تولىق بٸلمەۋٸ قۇقىقتىق تەتٸكتەردٸ قولدانۋعا مٷمكٸندٸك بەرمەيدٸ, دەپ حابارلايدى "ۇلت اقپارات".
«جىل سايىن بالالارعا قاتىستى قىلمىس سانى كٶبەيٸپ وتىر. باس پروكۋراتۋرانىڭ مەلٸمەتٸنە سٷيەنسەك, بيىل ەلٸمٸزدە مۇنداي جاعداي 8 پايىزعا ٶسكەن. وعان كەمەلەتكە تولماعاندارعا قاتىستى سەكسۋالدىق سيپاتتاعى فاكتٸلەردٸ جاسىرعانى ٷشٸن قىلمىستىق جاۋاپكەرشٸلٸكتٸڭ ەنگٸزٸلۋٸ دە سەبەپ بولدى. جالپى, 70 پايىزدان استام جاعدايدا كەمەلەتكە تولماعاندارعا قاتىستى قىلمىستاردى جاقىن, تۋىس ادامدار جاسايتىنى الاڭداتادى», – دەلٸنگەن سەناتورلاردىڭ دەپۋتاتتىق ساۋالىندا.
سوعان سەيكەس ولار ادام قۇقىقتارىنىڭ نەگٸزدەرٸن جالپى بٸلٸم بەرەتٸن مەكتەپ باعدارلاماسىنا مٸندەتتٸ پەن رەتٸندە ەنگٸزۋدٸ ۇسىندى.
«قازٸر جوعارى سىنىپتاردا «ادام. قوعام. قۇقىق» پەنٸ وقىتىلادى. ونىڭ مازمۇنى ادام قۇقىقتارى مەن بوستاندىقتارىنىڭ مەنٸ, ولاردى قورعاۋ تەسٸلدەرٸنە ەمەس, ادام تابيعاتى تۋرالى جالپى پايىمداۋلار تٶڭٸرەگٸندە عانا جٷرەدٸ. قوعامداعى احۋالدى ەسكەرٸپ, اتالعان پەندٸ باستاۋىش سىنىپتاردان باستاپ وقىتقان جٶن دەپ ەسەپتەيمٸز», – دەدٸ نۇرتٶرە جٷسٸپ.
