Senator Edil Mamytbekov óndiris pen ǵylymnyń bir-birinen alshaqtap ketkenin aityp, Úkimet basshysyna depýtattyq saýal joldady, dep habarlaidy "Ult aqparat".
Senat depýtaty Edil Mamytbekov Memleket basshysy ónerkásiptik saiasatty damytý boiynsha jańa amal-ádisterdi ázirleýdi tapsyrǵanyn eske saldy.
Onyń aitýynsha, ishki naryq pen jumys oryndaryn qorǵaityndai resýrstardy paidalanyp, memlekettik qarajatty jumsaityn biryńǵai júie joq.
«Indýstriia jáne infraqurylymdyq damý ministrligi osy jyldyń qazanyna deiin «Ónerkásiptik saiasat» týraly zań jobasynyń tujyrymdamasyn ázirleýge mindettelgen edi. Osylaisha atalmysh ministrlik batyl áreket jasarlyqtai kart-blanshqa ie bolǵan. Alaida ol ministrlik bul rette memlekettik vedomstvolar arasynda báseke baryn, olardyń arasynda naqty úilesim men tiimdi ónerkásiptik saiasat joqtyǵyn alǵa tartty. Osynyń bári ainalyp kelgende jahandaný men sýbaimaqtyq bailanys faktorlarynyń kúsheiýýi jaǵdaiynda otandyq ónerkásip óndirisiniń básekege qabilettiligin azaityp tur», - dedi Úkimet basshysyna depýtattyq saýal joldaǵan Edil Mamytbekov.
Senatordyń esepteýinshe, óndiris pen ǵylym bir-birinen alshaqtap ketken. Osynyń kesirinen óndiris kezinde tiimdilik az da, eldegi ónerkásiptik jobanyń kez kelgen taýaryn satarda baǵasy arzan bolmai jatady.
«Sheteldik biznesti aitpaǵanda, otandyq biznestiń ózi eldiń ǵylymi-tehnikalyq damýy turǵysynda eshqandai jaýapkershilik alǵysy kelmeidi. Ary ketkende óziniń kásibiliginiń shyńyn – sheteldik tasymaldaýshylardan tehnologiia satyp alýmen kórsetedi. Onymen qoimai jer qoinaýyn paidalanýshy biznesmender bizdiń eldiń tabiǵi bailyǵyn paidalaný kezinde ǵylymi áleýetti damytý boiynsha óz mindettemelerin oryndaǵysy kelmeidi», - dedi Edil Mamytbekov.
Depýtattyń pikirinshe, ekonomika men óndiristi indýstriialyq-innovatsiialyq damytýǵa tolyqqandy ǵylymdy aralastyrmaý – kóp jyldan bergi máselege ainalǵan.
«Búgingi tańda ǵylymi ujymdar men jeke ǵalymdardyń granttyq qarjylandyrýǵa jaltaqtaǵanynan basqa amaly joq. Al onyń ózine qol jetkiz qiiamettiń qiiameti. Qazir ákimdikter men kvazimemlekettik sektorlar importtyq satylymdarǵa basa mán beredi. Eldegi injenerlik jáne óndiristik personaldyń jumysyn damytpai bul máseleni retteý múmkin emes», - dedi ol.
