Senattyń jalpy otyrysynda depýtat Muhtar Jumaǵaziev jumys protsesiniń tómen deńgeide uiymdastyrylýy, eńbek etýge qarapaiym jaǵdaidyń jasalmaýy, materialdyq-tehnikalyq bazanyń jetkiliksizdigi, jalaqynyń tómendigi veterinar mamandardyń qyzmet etýge yntasynyń azaiýyna áser etetinin aityp, Úkimet basshysyna depýtattyq saýal joldady, dep habarlaidy "Ult aqparat".
«Joǵary jáne orta arnaýly oqý oryndary jas mamandarǵa degen turaqty suranysty qanaǵattandyra almai keledi. Osy salaǵa jumysqa kelgender eńbek ári turmys jaǵdaiy bolmaýy saldarynan jumys oryndarynda asa kóp aialdamaidy. Nazar aýdaratyn bolsaq, elimizde veterinariia baǵyty boiynsha mamandar daiarlaityn 10 joǵary oqý ornynda sońǵy úsh jylda 3602 adam bilim alǵan. Onyń ishinde úsh beiindi JOO-da 2018 jyly 712, al 2020 jyly 826 adam oqý bitirgen», - dep toqtaldy senator.
Osy oraida ol veterinariia boiynsha túlekterdiń jumysqa ornalasýy 2018 jyly 79 paiyz bolsa, 2020 jyly 50 paiyzdy quraǵanyn aitty.
«Bolashaq» baǵdarlamasymen osy salada 12 adam ǵana shet elderde oqyǵan. Olardyń keibiri mamandyq boiynsha jumysqa ornalaspaǵan.
Depýtat keltirgen aqparatqa sai, veterinarlyq stansalardyń kópshiligi mamandardyń jeke úiinde, jalǵa alynǵan ǵimarattarda ornalasqan.
Osy saladaǵy mamandardyń orta jasy 50-55, keide tipti 59 jasqa jetip qalǵan.
«Diplommen aýylǵa» memlekettik baǵdarlamasynda qoiylǵan maqsattardy iske asyrý sharalary eshqandai syn kótermeidi. Sońǵy 5 jylda osy baǵdarlama aiasynda 1875 jas maman jumysqa ornalasqan», – dedi Muhtar Jumaǵaziev.
Senator óz saýalynda agroónerkásiptik keshen úshin kadr daiarlaýǵa memlekettik bilim berý tapsyrysyn qalyptastyrý boiynsha quzyretti Bilim jáne ǵylym ministrliginen alyp, Aýyl sharýashylyǵy ministrligine berý qajettigine nazar aýdardy. Osy mamandyq boiynsha aýyl jastary úshin granttar sanyn arttyryp, veterinarlardyń jalaqysyn ósirý, olardyń materialdyq-tehnikalyq jabdyqtaryn jetildirý máseleleriniń ózektiligin de atap ótti.
