Parlament Senatynyń depýtaty Baqtybai Shelpekov Mańǵystaý oblysynda jumys babyndaǵy saparda boldy. Munaily aýdanyndaǵy «Qazaqstan temirjoly» ulttyq kompaniiasynyń Mańǵystaý temir jol bólimshesi ǵimaratynda senator jumysshylarymen jáne basqa da sala ókilderimen kezdesý ótkizdi.
Kezdesý barysynda Memleket basshysynyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» atty Joldaýynda alǵa qoiylǵan mindettermen qatar áleýmettik-ekonomikalyq damýdyń barlyq salalarynda bolatyn ózgerister týraly aityldy. Sondai-aq bilim berý, densaýlyq saqtaý salalary boiynsha Elbasynyń tapsyrmalary men turǵyn úidiń sapasy jáne qol jetkizý múmkindikteri, basqa da igilikterdi iske asyrý úshin barlyq qajetti jumystar jasalatyny talqylandy.
Sonymen qatar, meditsinalyq-sanitarlyq kómek kórsetetin qyzmetkerlerdi yntalandyrý, naýqas jandardy emdeý isin uiymdastyrýdaǵy jańalyqtardy qoldaý, ýchaskelik dárigerlerdiń eńbekaqysynyń kezeń-kezeńmen kóbeitiletini týraly da aityldy.
Ustazdarǵa qatysty «Pedagog mártebesi týraly» zań jobasy ázirlenetini jáne ol muǵalimder men mektepke deiingi mekemeler qyzmetkerleri úshin qýanyshty jańalyq ekeni aitylyp, muǵalimderge qoiylatyn negizsiz júktemeni azaitýǵa múmkindikter týraly áńgime boldy.
.jpeg)