QR Premer-Ministri Asqar Maminge depýtattyq saýal joldaǵan senator Sergei Ershov ulttyq muraǵat qory men muraǵattardy qalyptastyrý jáne saqtaý máselelerin jedel sheshý qajet ekendigin aitty, dep habarlaidy "Ult aqparat".
Senatordyń aitýynsha, 2 jyl buryn qabyldanǵan zańdarǵa túzetýler engizilgenimen, bul salada áli kúnge deiin ilgerileý bolmai tur.
«Muraǵat qoryn toltyrý jáne memlekettik muraǵat mekemelerin irikteý kózderiniń ósimi 20 jylda eki eseden asty. Aita ketý kerek, kóptegen memlekettik arhivter tiisti jabdyqtardyń joqtyǵynan saqtandyrý qorlaryn qura almai keledi. Qoimalardyń kópshiligi 100 paiyz júktelgen, qujattardy ári qarai qabyldaýǵa jáne saqtaýǵa oryn jetispeidi. Al memlekettik arhivterdiń ǵimarattary jiirkenishti kúide. Osyǵan bailanysty, elimizdiń aimaqtarynda tiptik mamandandyrylǵan ǵimarattar salý múmkindigin tabý kerek nemese máseleni basqasha sheshýdi oilastyrý kerek», - dedi Sergei Ershov.
Depýtat muraǵat isi salasynda bilikti kadrlardy daiarlaý da qajet ekenin aityp, ulttyq arhivterdi memlekettik deńgeide qorǵaý máselesine toqtaldy.
«Búgingi kúni oblystyq (aýdandyq, qalalyq) memlekettik arhivterdiń ǵimarattaryn qorǵaýdy jeke kúzet uiymdary, sondai-aq muraǵat mekemeleriniń jeke quramy nemese ǵimarat ieleri tańdaityn kúzet uiymdary qamtamasyz etedi», - dep atap ótti Sergei Ershov.
Mádeniet jáne sport ministrliginiń qurylymynda bolatyn memlekettik muraǵattardyń ekinshi orynda bolýyna da senator kóńili tolmai otyr.
«Osy saladaǵy keibir máselelerdi sheshý úshin 2020-2025 jyldarǵa arnalǵan Arhiv-2025 jobasyn iske asyrýdyń keshendi is-sharalar jospary bekitildi. Ony iske asyrýǵa 14,1 milliard teńge qarastyryldy. Alaida jospardy iske asyrýǵa arnalǵan biýdjettik ótinim Respýblikalyq biýdjettik komissiianyń otyrysynda maquldanbady», - deidi Sergei Ershov
Senator Úkimet basshysynan keshendi jospardy júzege asyrýǵa jáne ministrlikte jańa komitet nemese ulttyq murany saqtaý úshin jaýap beretin táýelsiz qurylym qurýǵa qarajat bólýdi surady.
