Senator Dúisenǵazy Mýsin jumys babymen Semei qalasynda boldy, dep habarlaidy "Ult aqparat" QR Parlamenti Senatynyń baspasóz qyzmetine silteme jasap.
Depýtat tasqyn sýǵa bailanysty tótenshe jaǵdaiǵa orai jýrnalistermen tildesip, óz oiyn bildirdi.
– Qala ákimimen atqarylatyn jumystar týraly sóilestik. Sý apatyna oblys,qala ákimdikterimen kelisilmei, Shúlbi sý elektr stantsiiasy sekýndyna 1800 tekshe metr sýdy ótkizýi basty sebep bolyp otyr. Meniń oiymsha, «Qazgidromet» mekemesi qatqan tońnyń tereńdigine bailanysty durys boljam berýi tiis edi. Olarda uzaq merzimdi boljamdar bar, iaǵni, olar osylai bolaryn kútti ǵoi. Kemshilikter bar ekeni daýsyz. Oblys ákimi jergilikti qutqarýshylardyń jabdyqtary jetispeitinin, tehnikanyń azdyǵyn aitty. Meniń oiymsha, bul máseleni ortalyq atqarýshy organdar qaraityn bolady, - deidi Dúisenǵazy Mýsin.
Sondai-aq D.Mýsin qaladaǵy D.Qalmataev atyndaǵy dárigerlik kolledjdiń, pedagogikalyq jáne kólik kolledjderiniń oqytýshylarymen jáne stýdentterimen kezdesip, Prezidenttiń bes áleýmettik bastamalarynyń negizgi baǵyttaryn jan-jaqty túsindirdi.
Sý tasqynynan zardap shekken «Mirnyi» aýylynda bolǵan senatoróńirdegi tasqyn sýǵa bailanysty qalpyna keltirý jumystarynyń barysymen tanysty.
