Senat depýtaty Súiindik Aldashev QR Premer-Ministri Álihan Smaiylovtyń atyna Mańǵystaý oblysyndaǵy jumyssyzdyq týraly saýal joldady, dep habarlaidy QazAqparat.
«Sońǵy kúnderi Mańǵystaý oblysynda, sonyń ishinde Jańaózen qalasynda oryn alyp otyrǵan jumyssyzdyqqa qarsy ereýilder óńirdiń ǵana emes, el jurtshylyǵyn alańdatyp otyr. Memleket basshysy Qasym-Jomart Toqaev Úkimettiń keńeitilgen otyrysynda Mańǵystaý oblysyndaǵy jaǵdaidyń qiyn, kúrdeli ekenine toqtalǵan bolatyn. Óńirdiń keshendi jospary qabyldanyp, osyǵan bailanysty qomaqty qarajattardyń bólinýi josparlanǵanyn, ol qarajattar birinshi kezektegi máselelerdi sheshýge baǵyttalyp, jumsalý kerektigi týraly aitqan bolatyn.
Qańtar aiyndaǵy qaiǵyly oqiǵalardyń basy da osy Jańaózendegi beibit aktsiiadan bastalǵany málim. Suiytylǵan gaz baǵasynyń qymbattaýy degen resmi sebebi bolǵanymen, túp tamyry munaishylar qalasynda jumyssyzdyqtyń keń oryn alýynda, turmystyq azyq-túlik taýarlarynyń qymbattap, áleýmettik deńgeii tómendep ketýinde edi», - degen depýtat jumyssyzdyq máselesi óńirde óte ózekti ekenin basqa da mysaldarmen dáleldedi.
Depýtat qalany tek munaiǵa táýeldi etpei, onyń damý baǵyttaryn ártaraptandyrýdy, onyń ishinde aýyl sharýashylyǵyn, týrizm salasyn damytýdy, kólik-logistika áleýetin kúsheitýdi usyndy.
«Elimizdiń táýelsizdik alǵan 30 jylda Jańaózen qalasynyń turǵyndary 60 myń adamnan 160 myńǵa jetti jáne jyl saiyn 3500 adamǵa ósip otyr», - dedi senator.
«Búgingi tańda Ózen ken ornyn 100 paiyz «Qazmunaigaz» ultyq kompaniiasyna qarasty «ÓzenMunaiGaz» aktsionerlik qoǵamy igerip otyr. Ken ornynda jylyna 5,3-5,5 mln tonna munai óndiriledi. Mamandardyń aqparaty boiynsha, alýǵa bolatyn munai qory shamamen 150 mln tonnadan astamdy quraidy. Onyń ústine, jaqynda ǵana resmi aqparattar habarlaǵandai, kólemi 39 mln tonna munai kózi ashyldy. Bul qor qazir munai óndirý deńgeiimen qaraǵanda, shamamen 30-35 jylǵa jetedi. Árine, bul merzim tarihi masshtabpen qaraǵanda kóp ýaqyt emes. Ekinshi jaǵynan qazirgi ozyq tehnologiialar kúnnen-kúnge damyp kele jatqan tsifrlyq jiyrma birinshi ǵasyrdyń turǵysynan qaraǵanda az ýaqyt emes. Másele osy ýaqytta qanshalyqty utymdy paidalana bilgenimizde», - degen depýtat ózi kótergen máseleniń birqatar sheshimderin usyndy.
«Ken ornyna qajet qural jabdyqtardyń, materialdardyń tizimin jasap qaisybirin jergilikti shaǵyn, orta kásipkerlerine tikelei tapsyryspen kópjyldyq merzimge berý kerek. Qala aýmaǵyna «Erekshe aýmaq» statýsyn berý múmkindigin qarastyrý, qajet bolsa, «ÓzenMunaiGaz» AQ jarǵysyna ózgeris engizýdi qarastyrý kerek, - dep atap ótti ol.
