سەنات دەپۋتاتى سٷيٸندٸك الداشەۆ قر پرەمەر-مينيسترٸ ەليحان سمايىلوۆتىڭ اتىنا ماڭعىستاۋ وبلىسىنداعى جۇمىسسىزدىق تۋرالى ساۋال جولدادى, دەپ حابارلايدى قازاقپارات.
«سوڭعى كٷندەرٸ ماڭعىستاۋ وبلىسىندا, سونىڭ ٸشٸندە جاڭاٶزەن قالاسىندا ورىن الىپ وتىرعان جۇمىسسىزدىققا قارسى ەرەۋٸلدەر ٶڭٸردٸڭ عانا ەمەس, ەل جۇرتشىلىعىن الاڭداتىپ وتىر. مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ماڭعىستاۋ وبلىسىنداعى جاعدايدىڭ قيىن, كٷردەلٸ ەكەنٸنە توقتالعان بولاتىن. ٶڭٸردٸڭ كەشەندٸ جوسپارى قابىلدانىپ, وسىعان بايلانىستى قوماقتى قاراجاتتاردىڭ بٶلٸنۋٸ جوسپارلانعانىن, ول قاراجاتتار بٸرٸنشٸ كەزەكتەگٸ مەسەلەلەردٸ شەشۋگە باعىتتالىپ, جۇمسالۋ كەرەكتٸگٸ تۋرالى ايتقان بولاتىن.
قاڭتار ايىنداعى قايعىلى وقيعالاردىڭ باسى دا وسى جاڭاٶزەندەگٸ بەيبٸت اكتسييادان باستالعانى مەلٸم. سۇيىتىلعان گاز باعاسىنىڭ قىمباتتاۋى دەگەن رەسمي سەبەبٸ بولعانىمەن, تٷپ تامىرى مۇنايشىلار قالاسىندا جۇمىسسىزدىقتىڭ كەڭ ورىن الۋىندا, تۇرمىستىق ازىق-تٷلٸك تاۋارلارىنىڭ قىمباتتاپ, ەلەۋمەتتٸك دەڭگەيٸ تٶمەندەپ كەتۋٸندە ەدٸ», - دەگەن دەپۋتات جۇمىسسىزدىق مەسەلەسٸ ٶڭٸردە ٶتە ٶزەكتٸ ەكەنٸن باسقا دا مىسالدارمەن دەلەلدەدٸ.
دەپۋتات قالانى تەك مۇنايعا تەۋەلدٸ ەتپەي, ونىڭ دامۋ باعىتتارىن ەرتاراپتاندىرۋدى, ونىڭ ٸشٸندە اۋىل شارۋاشىلىعىن, تۋريزم سالاسىن دامىتۋدى, كٶلٸك-لوگيستيكا ەلەۋەتٸن كٷشەيتۋدٸ ۇسىندى.
«ەلٸمٸزدٸڭ تەۋەلسٸزدٸك العان 30 جىلدا جاڭاٶزەن قالاسىنىڭ تۇرعىندارى 60 مىڭ ادامنان 160 مىڭعا جەتتٸ جەنە جىل سايىن 3500 ادامعا ٶسٸپ وتىر», - دەدٸ سەناتور.
«بٷگٸنگٸ تاڭدا ٶزەن كەن ورنىن 100 پايىز «قازمۇنايگاز» ۇلتىق كومپانيياسىنا قاراستى «ٶزەنمۇنايگاز» اكتسيونەرلٸك قوعامى يگەرٸپ وتىر. كەن ورنىندا جىلىنا 5,3-5,5 ملن توننا مۇناي ٶندٸرٸلەدٸ. مامانداردىڭ اقپاراتى بويىنشا, الۋعا بولاتىن مۇناي قورى شامامەن 150 ملن توننادان استامدى قۇرايدى. ونىڭ ٷستٸنە, جاقىندا عانا رەسمي اقپاراتتار حابارلاعانداي, كٶلەمٸ 39 ملن توننا مۇناي كٶزٸ اشىلدى. بۇل قور قازٸر مۇناي ٶندٸرۋ دەڭگەيٸمەن قاراعاندا, شامامەن 30-35 جىلعا جەتەدٸ. ەرينە, بۇل مەرزٸم تاريحي ماسشتابپەن قاراعاندا كٶپ ۋاقىت ەمەس. ەكٸنشٸ جاعىنان قازٸرگٸ وزىق تەحنولوگييالار كٷننەن-كٷنگە دامىپ كەلە جاتقان تسيفرلىق جيىرما بٸرٸنشٸ عاسىردىڭ تۇرعىسىنان قاراعاندا از ۋاقىت ەمەس. مەسەلە وسى ۋاقىتتا قانشالىقتى ۇتىمدى پايدالانا بٸلگەنٸمٸزدە», - دەگەن دەپۋتات ٶزٸ كٶتەرگەن مەسەلەنٸڭ بٸرقاتار شەشٸمدەرٸن ۇسىندى.
«كەن ورنىنا قاجەت قۇرال جابدىقتاردىڭ, ماتەريالداردىڭ تٸزٸمٸن جاساپ قايسىبٸرٸن جەرگٸلٸكتٸ شاعىن, ورتا كەسٸپكەرلەرٸنە تٸكەلەي تاپسىرىسپەن كٶپجىلدىق مەرزٸمگە بەرۋ كەرەك. قالا اۋماعىنا «ەرەكشە اۋماق» ستاتۋسىن بەرۋ مٷمكٸندٸگٸن قاراستىرۋ, قاجەت بولسا, «ٶزەنمۇنايگاز» اق جارعىسىنا ٶزگەرٸس ەنگٸزۋدٸ قاراستىرۋ كەرەك, - دەپ اتاپ ٶتتٸ ول.
