Qazaqstandyq kásiporyndardy qoldaýǵa arnalǵan memlekettik qorǵanystyq tapsyrystardyń biryńǵai saiasatyn qalyptastyrýdyń mańyzy zor. Búgingi Senat otyrysynda depýtat Nurjan Nursipatov osyndai pikir bildirdi, dep habarlaidy "Ult aqparat".
Senator zańǵa táýeldi aktilerdi «Qorǵanys ónerkásibi jáne memlekettik qorǵanystyq tapsyrys týraly» Zań normalaryna sáikes keltirýdi usyndy. Ekinshiden, erejelerdi jii ózgertýdi doǵarý kerektigin aitty.
«2019 jylǵy 14 qazanda zań normalaryn iske asyrý úshin Memlekettik qorǵanystyq tapsyrystardy qalyptastyrý, ornalastyrý jáne oryndaý erejeleri qabyldandy. Alaida, 8 aidan keiin ókiletti organ jańa Erejelerdi ázirlep, Úkimet ony bekitken. Zańnan keiingi aktilerdi jii ózgertý biznes qaýymdastyqqa, onyń qyzmetine keri áserin tigizedi», – dedi Nurjan Nursipatov Úkimet basshysynyń orynbasary Roman Skliardiń atyna joldaǵan saýalynda.
Senat depýtaty Memlekettik qorǵanystyq tapsyrystardy qalyptastyrý, ornalastyrý jáne oryndaý erejesiniń jańa redaktsiiasy oǵan otandyq biznestiń qatysý múmkindigin tómendetetinin aityp, alańdaýshylyq bildirdi.
Nurjan Nursipatov bul Prezidenttiń óndiristi oqshaýlaý deńgeiin arttyrý týraly tapsyrmasyna qarama-qaishy keletinin de atap ótti.
