Senattyń jalpy otyrysynda depýtat Murat Baqtiiaruly Aral teńiziniń soltústigindegi Kishi Aral basseininde sý deńgeiiniń tómendeýine alańdaýshylyq bildirdi, dep habarlaidy "Ult aqparat".
Senatordyń aitýynsha, Kishi Araldaǵy sý kólemi qazir 22 mlrd tekshe metrdi quraidy. Ol aldyńǵy jyldarǵa qaraǵanda 5 mlrd tekshe metrge azaiǵan. Kishi Aralǵa quiatyn Syrdariia ózeniniń sýyn paidalanýdyń qazirgi qarqyny saqtalar bolsa, aldaǵy 5-7 jylda teńizdiń soltústigi qurǵaqqa ainalyp, ekologiialyq apatqa ushyraýy múmkin.
Osyǵan orai Murat Baqtiiaruly teńizdi saqtap qalý úshin keshendi sharalar qabyldaý qajettigin aitty. Sonyń aiasynda sý diplomatiiasyn belsendi júrgizý, sýdy tiimdi paidalaný jáne tiisti zańdarǵa ózgertýler engizýdiń bereri mol ekenin tilge tiek etti.
«Osydan 17 jyl buryn qabyldanǵan elimizdegi sý resýrstaryn basqarý zańy qazirgi talaptarǵa jaýap bere almaidy. Sondyqtan sýdy paidalanýdyń jańa tujyrymdamasy jasalyp, ol tek sýǵa qajettilikti rettep qoimai, sý nysandarymen bailanysty tabiǵi ekojúielerdi saqtap, sýdy únemdeýge yntalandyrý úshin tutyný salasyndaǵy tarifterdi qaita qarap, ozyq tehnologiialardy engizýge muryndyq bolýǵa tiis», – dedi Murat Baqtiiaruly depýtattyq saýalynda.
