Foto: elements.envato.com
Ishki naryqta gazdy tutynýdyń artýy gaz tarifiniń ósýine ákelýi múmkin. Bul týraly Senat depýtaty Erik Sultanov málimdedi, - dep habarlaidy Tengrinews.kz.
"Aita ketetin jait, ishki naryqta gazdy tutynýdyń ósýi ulttyq operatordyń (QazaqGaz) taýarlyq gaz eksportynyń qysqarýyna ákelip soǵady, kiris esebinen gaz baǵasy ishki naryqta sýbsidiialanady. Al bul óz kezeginde ishki gaz baǵasynyń – orta eseppen 60 paiyzǵa ósýine ákelýi múmkin. Biz gaz tarifiniń ósýinen qasha almaitynymyzdy ashyq aitýymyz kerek", - dedi Sultanov Senatta ótken Úkimet saǵatynda.
Onyń aitýynsha, "jańa aimaqtardy zalalsyz gazdandyrýdy ǵana emes, halyqtyń áleýmettik osal toptary úshin tarifti tejeýdi qamtamasyz etetin ońtaily tetikti anyqtaý" mańyzdy.
Sonymen qatar, senatordyń aitýynsha, tutynýshylardy bul týraly aldyn ala habardar etý úshin jyl saiyn gaz baǵasyn josparlaýdyń uzaq merzimdi kestesin ashyq jariialaýy kerek.
Eske salaiyq, aqpanda baǵany saraptaý nátijesinde Tabiǵi monopoliialardy retteý komiteti Qazaqstannyń basym bóliginde gaz baǵasyn tómendetken bolatyn.
