Foto: parlam.kz
Bibigúl Jeksenbai óz depýtattyq saýalynda Qazaqstanda inkliýzivti bilim berý salasyndaǵy máselelerge nazar aýdardy. Depýtat erekshe bilim berý qajettiligi bar balalar sanynyń ósýine bailanysty qoldanystaǵy erejeler men júieni qaita qaraý qajettigin atap ótti, dep habarlaidy Ult.kz.
Sońǵy on jylda múgedektigi bar balalar sany 40%-ǵa artqan, al olardyń járdemaqysyna arnalǵan memlekettik shyǵyndar 50 esege ósken. Soǵan qaramastan, bul salada sheshilmegen mańyzdy máseleler bar:
- Mamandandyrylǵan mekemeler men kadr tapshylyǵy: Bilikti logopedter, sýrdo, tiflo, oligo pedagogtar jetispeýshiligi tek óńirlerde ǵana emes, iri qalalarda da baiqalady.
- Qyzmet kórsetý kezeginiń uzaqtyǵy: Astana men Almatyda maman qabyldaýyn 3 aidan bir jylǵa deiin kútýge týra keledi.
- Bilimge qol jetkizýdegi shekteýler: Múgedektigi bar balalardyń 15%-y mektepke deiingi jáne mekteptegi memlekettik qyzmettermen qamtylmaǵan.
Bibigúl Jeksenbai osy problemalardy sheshý úshin:
- Derekterdi avtomattandyrýdy engizýdi, bul statistikany tiimdi josparlaýǵa múmkindik beredi.
- Erte diagnostika júiesin damytý.
- Maman daiarlaýdy kúsheitý.
- Áleýmettik qoldaý sharalaryn arttyrýdy usyndy.
Inkliýzivti bilim berý júiesin jetildirý erekshe bilim berý qajettiligi bar balalardyń memlekettik qyzmetterge qoljetimdiligin arttyryp, olardyń beiimdelýi men oqytý sapasyn jaqsartýǵa múmkindik beredi. Bul reformalar tek balalardyń ǵana emes, olardyń otbasylarynyń da ál-aýqatyn kóterýge yqpal etedi.
