Búgin QR Parlament Senatynda Qaýipsizdik, qorǵanys pen halyqaralyq qatynastar komitetiniń otyrysynda «Qazaqsan Respýblikasynyń Úkimeti jáne Aýǵanstan islam respýblikasynyń úkimeti arasyndaǵy azamattyq qorǵanys, tótenshe jaǵdailardyń aldyn alý jáne olardyń joiý salasyndaǵy yntymaqtastyq týraly kelisimshartty ratifikatsiialaý týraly» zań jobasy qaraldy. Atalǵan qujatty QR Ishki ister vitse-ministri Berik Beisenqulov tanystyrdy. Onyń aitýynsha, kelisimniń aiasynda tótenshe jaǵdailarǵa boljam jasaý, monitoring júrgizý, osy salada mamandardy daiarlaý, birlesken oqý-jattyǵýlardy ótkizý jáne taǵy basqa sharalar qarastyrylǵan. Sondai-aq aýǵan qutqarýshylary kómekke kelgen jaǵdaida olarǵa vizasyz rejim usyný kózdelip otyr. Senator Birǵanym Átimovanyń oiynsha, ondai rejim arqyly san alýan radikaldy toptar Qazaqstanǵa ótip ketýi ábden múmkin, dep habarlaidy Baq.kz tilshisi.
B.Áitimova aýǵan eliniń tótenshe jaǵdailar salasyndaǵy úlken tájiribesi bar ekenine kúdiktenip otyr. Sondyqtan kelisim sol memlekettiń usynysy dep oilady. Alaida vitse-ministri Berik Beisenqulovtyń aitýynsha, bul – qazaqstandyq taraptyń usynysy. «Sonda odan bizge keler paida qandai?» degen suraqqa B.Beisenqulov: «Endi...tótenshe jaǵdailar boiynsha aqparat almasý jaǵynan eki jaqqa da qajet. Árine, ondai kelisim aýǵan jaǵyna kóbirek qajet bolyp tur», - deidi vitse-ministr. Onyń sózine qaraǵanda, Aýǵanstan eliniń qazirgi jaǵdaiyn eskere otyryp, qujat aiasyndaǵy kómek berý sharalary birjaqty bolady. Barlyq shyǵyndar tótenshe jaǵdailar rezervinen óteledi. Degenmen, senator Birǵanym Áitimova kelisimniń 7-babymen kelispei, odan terroristik qaýip taýyp aldy.
«Ol jerde ózara kómek berýge arnalǵan «erkin toptar» týraly aitylǵan. Bul qandai toptar ózi? Qutqarýshylar ma? Basqa bireýler me? Men ózim atalǵan bapty jamylyp, terroristik toptar ótip kete me dep qorqamyn. Osyny ashyp jazý qajet siiaqty. Al, eń bastysy, kelisimniń 11-babynda kómek suraǵan memlekettiń shekarasyn kesip ótý jáne sol elde bolý sharttary jazylǵan. Qarańyz, tótenshe jaǵdaidardyń aldyn alý sharalary aiaqtalǵansha biz olarǵa vizasyz rejimdi, tipti turǵylyqty jerin kórsetpeýge ruqsat berip otyrmyz. Alaida Aýǵanstanda terroristik qaýiptiń bar ekenin bárimiz jaqsy bilemiz. Endi, osy kelisimde el qaýipsizdigi eskerilgen be? Qutqarýshylar toby dep, elimizge terroristik toptar ótip ketpei me?», - dep surady B.Áitimova.
Vitse-ministrdiń aitýynsha, Qazaqstan jerinde qandai da bir tótenshe jaǵdai bola qalsa, aýǵan jerinen «erkin toptardy» jiberý kózdelgen. Alaida olardyń tizimi aldyn ala jiberiledi.
«Árine, biz ol tizimderdiń bárin tekserip shyǵamyz. Sosyn «erkin toptardyń» tiisti sharalardy atqarý merzimi naqty jazylady. Buny shekara qyzmet de, kóshi-qon qyzmeti de qatań baqylaýda ustaityn bolady. «Erkin toptardyń» ókilderi kóshede emin-erkin júredi dep oilamańyz. Olar naqty bir jerge keledi de, jumystaryn atqaryp ketedi. Menińshe, bul jerde eshqandai qaýip joq. », - dep atap kórsetti B.Beisenqulov.
Degenmen, B.Áitimova bul jaýapqa qanaǵattanǵan joq. Ol «qandai da bir terroristik toptar kelisimniń keibir baptaryn paidalanyp, Qazaqstan jerine ótip ketse, vitse-ministr B.Beisenqulovtyń óz basymen jaýap beredi» degendi hattamaǵa engizýdi usyndy. Oǵan B.Beisenqulov: «Biz óz tarapymyzdan kepildik bereiik. Alaida shekara, kóshi-qon siiaqty qyzmetterdiń de jaýapkershiligin umytpaiyq», - dep qysqa ǵana jaýap berdi.
Komitet otyrysyna qatysqan senatorlar – Ikram Adyrbekov, Liazzat Qiynov, Nurtai Ábiqaev, Birǵanym Áitimova men Serik Jaqsybekov kelisimdi ratifikatsiialaý týraly zań jobasyn qoldap, Senattyń birlesken otyrysynda talqylaýdy uiǵardy. Degenmen, olar «erkin toptardyń» turǵylyqty jerin kórsetpeýge, iaǵni yqtiiarhatsyz júrip-turýlaryna ruqsat berý máselesin áli de pysyqtaý qajet dep sanaidy.
