Erden Aripov. Foto: sud.gov.kz
Parlament joǵarǵy palatasynyń depýtattary Joǵarǵy sot sýdiasy Erden Aripovti qyzmetinen bosatýǵa daýys berdi, - dep habarlaidy Tengrinews.kz.
"Sizdiń qaraýlaryńyzǵa Joǵarǵy sot sýdiasy Erden Aripovti basqa laýazymǵa taǵaiyndaýǵa bailanysty qyzmetinen bosatý týraly usynys engizildi. Memleket basshysynyń Jarlyǵymen 26 naýryzda Erden Raýanuly Qaraǵandy oblystyq sotynyń tóraǵasy bolyp taǵaiyndaldy. Qurmetti depýtattar, Memleket basshysynyń Joǵarǵy sot sýdiasy qyzmetinen Aripov Erden Raýanulyn bosatý týraly usynysyna qoldaý kórsetýińizdi suraimyn", - dedi Joǵarǵy sot keńesiniń tóraǵasy Denis Shipov.
Konstitýtsiialyq zańnama, sot júiesi jáne quqyq qorǵaý organdary komiteti Prezidenttiń usynysyn talqylady.
"Qazaqstan Respýblikasy Prezidentiniń usynysy negizinde Komitet Parlament Senatyna basqa qyzmetke taǵaiyndalýyna bailanysty Aripov Erden Raýanulyn Joǵarǵy sottyń sýdiasy qyzmetinen bosatý týraly usynys jasady. Qoldaý kórsetýińizdi suraimyn", - dedi depýtat Vladimir Volkov.
