QR Parlamenti Senatynyń Tóraǵasy Qasym-Jomart Toqaev Tvitter áleýmettik jelisinde «Nur Otan» halyqtyq-demokratiialyq partiiasynyń XVIII seziniń tarihi sheshimderinen týyndaǵan mindetter týraly pikirin bildirdi, dep habarlaidy "Ult aqparat".
«Nur Otan» partiiasynyń sezinde Prezident N. Nazarbaev azamattardyń laiyqty ómir súrý deńgeiine qol jetkizýdi negizgi basymdyq retinde atady. Parlament Senaty Elbasynyń jańa Áleýmettik doktrinasyn zań júzinde qoldaýdy qamtamasyz etetin bolady», - dep jazdy ol.
Q.Toqaev memleket 2019-2021 jyldary negizgi áleýmettik mindetterdi sheshý úshin biýdjetten 2,3 trillion teńgeden astam qarjyny qosymsha bóletinin atap ótti.
«Qazirgi dúniedegi memleketterdiń ishinde halqynyń sanyna qarai tabysy az azamattarǵa osyndai aýqymdy áleýmettik kómek kórsetetin elder az», - dedi Senat tóraǵasy.
Sondai-aq joǵarǵy palata basshysy: «N.Nazarbaevtyń Áleýmettik doktrinasy qazaq memlekettiliginiń jańa betin ashady, eldiń damýyna qýatty impýls beredi, BUU Turaqty damý maqsattaryna qol jetkizýde aýqymdy úles qosady, ulttyń birligin nyǵaityp, onyń aldaǵy kúnge senimin arttyrady! Alǵa, KZ!», - dep jazdy.
