Senattyń jalpy otyrysynda «QR Úkimeti men Túrki akademiiasy arasyndaǵy Túrki akademiiasyn ornalastyrýdyń sharttary men tártibi týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
Akademiianyń basty maqsaty – túrki tilderin, ádebieti men mádenietin saqtaýǵa, damytýǵa jáne tanymal etýge baǵyttalǵan túrkologiia salasyndaǵy zertteýlerdi úilestirý. Qazirgi tańda akademiiaǵa múshelikke Qazaqstannan basqa Qyrǵyzstan, Ázerbaijan jáne Túrkiia elderi enip otyr.
«Akademiianyń shtab-páteri Nur-Sultan qalasynda ornalasqanyna bailanysty kelisimniń maqsaty - elimizge jumys isteý kezeńindegi Túrki akademiiasynyń mártebesin, onyń artyqshylyqtary men immýnitetterin aiqyndaý», - dedi QR Bilim jáne ǵylym ministri Ashat Aimaǵambetov.
Onyń aitýynsha, akademiiada 17 adam jumys isteidi. Onyń ishinde ekeýi shetel azamaty.
«Kelisim kúshine engennen keiin akademiianyń jergilikti jáne sheteldik qyzmetkerleri Syrtqy ister ministrliginde akkreditteýden ótýi tiis bolady. Shetel qyzmetkerleri úshin bul olardyń el aýmaǵynda bolýyna negiz bolyp sanalady.
«Akademiia ǵylymi-zertteý jumystarymen, kitaptar men jýrnaldar shyǵarýmen ainalysady, túrki elderiniń ataqty ǵalymdaryna halyqaralyq forýmdar men konferentsiialar ótkizýde, túrkologiia boiynsha ǵylymi jumystar júrgizýde búgingi kúni úlken belsendilik tanytyp keledi. Túrkitildes memleketter uiymyna qatysýshy eldermen yntymaqtastyqty nyǵaitýdyń jáne Qazaqstannyń túrki álemindegi rólin arttyrýdyń mańyzdylyǵyn nazarǵa ala otyryp, atalǵan zań jobasyn qoldaýlaryńyzdy suraimyn», - dedi Ashat Aimaǵambetov.
Zań jobasyn talqylaý barysynda depýtattar qujatty qabyldaý týraly sheshim qabyldady.
