سەناتتىڭ جالپى وتىرىسىندا «قر ٷكٸمەتٸ مەن تٷركٸ اكادەميياسى اراسىنداعى تٷركٸ اكادەميياسىن ورنالاستىرۋدىڭ شارتتارى مەن تەرتٸبٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
اكادەمييانىڭ باستى ماقساتى – تٷركٸ تٸلدەرٸن, ەدەبيەتٸ مەن مەدەنيەتٸن ساقتاۋعا, دامىتۋعا جەنە تانىمال ەتۋگە باعىتتالعان تٷركولوگييا سالاسىنداعى زەرتتەۋلەردٸ ٷيلەستٸرۋ. قازٸرگٸ تاڭدا اكادەميياعا مٷشەلٸككە قازاقستاننان باسقا قىرعىزستان, ەزەربايجان جەنە تٷركييا ەلدەرٸ ەنٸپ وتىر.
«اكادەمييانىڭ شتاب-پەتەرٸ نۇر-سۇلتان قالاسىندا ورنالاسقانىنا بايلانىستى كەلٸسٸمنٸڭ ماقساتى - ەلٸمٸزگە جۇمىس ٸستەۋ كەزەڭٸندەگٸ تٷركٸ اكادەميياسىنىڭ مەرتەبەسٸن, ونىڭ ارتىقشىلىقتارى مەن يممۋنيتەتتەرٸن ايقىنداۋ», - دەدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, اكادەمييادا 17 ادام جۇمىس ٸستەيدٸ. ونىڭ ٸشٸندە ەكەۋٸ شەتەل ازاماتى.
«كەلٸسٸم كٷشٸنە ەنگەننەن كەيٸن اكادەمييانىڭ جەرگٸلٸكتٸ جەنە شەتەلدٸك قىزمەتكەرلەرٸ سىرتقى ٸستەر مينيسترلٸگٸندە اككرەديتتەۋدەن ٶتۋٸ تيٸس بولادى. شەتەل قىزمەتكەرلەرٸ ٷشٸن بۇل ولاردىڭ ەل اۋماعىندا بولۋىنا نەگٸز بولىپ سانالادى.
«اكادەمييا عىلىمي-زەرتتەۋ جۇمىستارىمەن, كٸتاپتار مەن جۋرنالدار شىعارۋمەن اينالىسادى, تٷركٸ ەلدەرٸنٸڭ اتاقتى عالىمدارىنا حالىقارالىق فورۋمدار مەن كونفەرەنتسييالار ٶتكٸزۋدە, تٷركولوگييا بويىنشا عىلىمي جۇمىستار جٷرگٸزۋدە بٷگٸنگٸ كٷنٸ ٷلكەن بەلسەندٸلٸك تانىتىپ كەلەدٸ. تٷركٸتٸلدەس مەملەكەتتەر ۇيىمىنا قاتىسۋشى ەلدەرمەن ىنتىماقتاستىقتى نىعايتۋدىڭ جەنە قازاقستاننىڭ تٷركٸ ەلەمٸندەگٸ رٶلٸن ارتتىرۋدىڭ ماڭىزدىلىعىن نازارعا الا وتىرىپ, اتالعان زاڭ جوباسىن قولداۋلارىڭىزدى سۇرايمىن», - دەدٸ اسحات ايماعامبەتوۆ.
زاڭ جوباسىن تالقىلاۋ بارىسىندا دەپۋتاتتار قۇجاتتى قابىلداۋ تۋرالى شەشٸم قابىلدادى.
